شباب وبنات بعد
نصيحه اخو لاتخلون اي فرصه لكم حتى بقطاع خاص عيشو يومكم وحتى لو الاتب قليل حسس نفسك بقدراتها

اقسم با الله انا من الناس الي توظف من عام 1424 براتب 2213 ريال تخيلو راتب عامل عند اسره من الاسر المخمليه با السعوديه
بس طنشت وقلت هذا رزقي ومن الله
ودرست برغم الراتب الضعيف على ان الدوام من 9 الى 10 ساعات يوميأ وجنبك هندي وسوري ومصري نفس شغلتك ورواتبهم من 6 الاف وفوق وسكن ومواصلات
بس ماوقفت درست دبلوم وخسرت عليه جهد وماده فلوس يعني وكنت عايش وقتها بضروف صعبه واسره ميسوره الحال وابشركم خلصت وعقبها قدمت على بنك وتوظفت وراتب حلووو بس انا رجال مابي الربا ابي الحكومي والراتب الي مافيه شبهات
ولعلمكم المشايخ اجازو وضايف البنوك وبذمتهم لاتوقفون عند جامعها وغيرها شدو حيلكم ولكل مجتهد نصيب
واقسم با الله لو خوفي من الحلف اني اكثر ناس شفت القهر والضيم والحسره ولكن الي ماتقواه بيمناك اصبر ان الله مع الصابرين
وحطو براسكم شي الله يبي والدنيا تبي وكل شي من حياتك تبي حتى الحظات السعيده تبي منك تهيئ الحظات عشان تعيشها لاتوقفون الهمه الهمه يا عيال ديرتي ورب الكون بكثر ماخالطت اجانب صرت اشك ان اطيب شعب في العالم كله شعبي شعب الجزيره العربيه
واتمنى من ولات الامر الاهتمام في فئه الشباب والشباب ثم الشباب ثم الشباب اكرمو شبابكم تكرمون شعبكم جميعأ لن كل امورهم منكم واليكم مافي شي اسمه حواله خارجيه با المليارات زي الاجانب واخر شي يسب المجتمع ويسب ولات الامر ويسب الديره بكل فئاتها كما شفت وسمعت با اذني جحلوطي لا اصل ولا فصل ولا مخ نظيف وراتبه خيالي وبعد يسب كل من على هذي الارض الطاهره با الرجعيه وبا التخلف وصدقوني ماسبها من عبث سبها لنهم اعطوه اكبر من حجمه وشباب الوطن رايح فيها غصبن عنه
الهمه يا اخواني واخواتي ولعلمكم بقول كم خبرتي في القطاع الخاص 9 سنوات من الحسره والضيم والضلم وابشركم ترا عمري لسى شباب في 28 سنه للحين (:
التوفيق كله لكم
اعذروني على الاطاله