اقتباس:
المشاركة الأصلية كتبت بواسطة انت الغلا
تصدق حزنتني وكنت حاعيط 
اخوي روح ادارة التعليم وهناك هم يسون لك كل شي,,,
حتى الي مارتب رغباته يرتبونها له,,,,,
وبالتوفيق  |
بما إنك (كنت) هتعيّط.. وما عيطتش لحد دلوقتي، فيا ريتك تخلي دمعتك البيضاء ليومك الأسود 
مع إني شاكك إنو الأيام اللي فاتت كانت أيام سوداء ومتنيـّلة على عين أكتر من تسعة آلاف كائن حي، من بتوع القامعات والكليات 
عموماً.. أنا رحت النهارده الصبح للوزراة.. وطبعت البتاعة، وختمتها كمان..
وأخدتها معاي للبيت، وإن شاء الله تتربى بعزي، وربنا يئدّرني على تربيتها زيّ إختها: بكالوريوس
بس ئبل ما أروّح، سألت الموظف اللي وائف وساط شباك البتاع اللي اسمو (الصادر) وعمّال يختم للرايح والقاي
ئلت له: فيه أخبار تانية نفرّح فيها الأهل والحبايب يا أستاز ختــّام؟
ئال لي: اسمع ياض، اللى ما لكش فيه ما تنحشرش فيه، انقرّ من هنا، وما تهوّبش ناحية المكان ده، ولا أي مكان تاني، واستنى لحد ما يبعت لك الديوان رسالة ع الموبايل، فاهم ؟
ئلت له: أيوه، فاهم وسامع وحاضر يا ريّس، حــ أستنى، هو أنا وراي أيه؟ وراي عيّل يعني وإلا وراي عيّل؟
طبعاً سمعت الكلام ولملمت نفسي، وانقرّيت ع البيت، لأني بصراحة، أسدء كل موظف في البتاعة اللي اسمها دولة..
وأئول لنفسي: لأ يا واد يا صابر، دول كويسين، ومستحيل يكدبوا عليك، وحتى لو كدبوا عليك، فهمّ أكيد أكيد : بيهزروا معاك
وكده وإلا كده أنا لازم أتحمّل، أصل موظفي الدولة وحشين أوي لمّا بيزعلوا.. مع إنهم دايمن زعلانين.. من أيه؟ ربـّونا أعلم! 
..
فلازم أقاملهم، وآخد وأعطي معاهم، وأعمل كل حاقه كويسة، لأنو على رأي المسل: اللى تكره وشــّه يحوقـك الزمان لــ ئفاه!
وشكراً لك يا قميل لأنك ئرّبت تعيّط عشاني
ولأنك شفت سؤالي، وردّيت عليّا
ربـّونا يكرمك.. ويوفئك 