اقتباس:
المشاركة الأصلية كتبت بواسطة عبدالله الموركي
بسم الله الرحمن الرحيم
توني الآن جاي من عند الخنين بوزارة الخدمة المدنية ..
في البداية عندي كذا خبر ومنها الزين ومنها الشين
من الساعة 9 الصباح وانا بالوزارة ولم أدخل على الخنين
الى الساعة 11
كنت وبصراحة ماخذ فكره سيئة عن هذا الرجل وأكتشفت العكس
الموظفين الصغار حتى السلام مايرد عليك ..
لكن الخنين اول مادخلت قـام وسلم علي ورحب بي وقال وش تشرب
صراحة استغربت تعامله بهذه الطريقة .
وقلت له انا عندي موضوع ونبي نعرف وش عندكم عشان نعرف وش لنا وش علينا
قال اولاً وش اسمك / قلت عبدالله .. قال اهلا فيك آستاذ عبدالله
أمرني وش تبي
قلت : الله يسلمكم صراحتم قبل فتره بأن الراسبين بقياس سوف
يتم تعيينهم على الوظائف الإدارية .. والناجحون يُعينون على وظائف
تعليمية .
قال بالنسبة للمجتازين إختبار الكفايات ( قياس ) يتعينون تعليمي
لكن تفأجانا بأن نصفهم لايحلمون تربوي فكيف نعينهم على وظائف تعليمية ؟
عشان كذا عيناهم إداريين ..( وسوف يتم تحويلهم تلقائي إلى تعليمي )
خلال سنتين بالكثير ..
...........
طيب الراسبين بقياس مثلي انا وش وضعهم ؟
قال وضعهم لازم يجتآزون اختبار القياس ويدخلون بالمفاضلات الجاية
قلت يعني مره مافيه أمل نتعين إداريين قال لا مستحيل
اختبار القياس هو شرطنا الاول والاخير والكبير والرئيسي وهو إساسي
في التوظيف وشرط إجباري للكل دون استثناء ..
......
يعني مالنا الا من الآن نستعد لهذا الإختبار ونعد لهُ العده ,
....
وقلت له إخوانا الإنتساب لهم شيء ؟
قال نعم لهم الوظائف المتبقيه من الإدارية ؟
قلت / يعني المنتسب سوف يتم تعيينه على وظيفة إدارية ؟
قال / نعم بشرط إجتياز القياس
بالمختصر المفيد وعلى شكل نقاط
1: سوف يتم تحويل الإخوان الإداريين ألى تعليمي خلال سنتين وبشكل إجباري لسد الإحتياج
2: تعيين المنتسبين المجتازين القياس للوظائف المتبقيه من الإدارية
3 : الأخوان الراسبين بقياس مثلي مالنا غير نختبر ونستعد من الحين
والإختبار شهر 3 بآذن الله ..وبعدها سوف ندخل بالمفاضلات .
........
عزيزي قـارىء الموضوع اذا لم يعجبك الطرح فأتمنى أن لاترد
وإذا بتنقد علي ولاعندك شيء بقلبك ارسل رقمك خاص ونقابلك
ونشوف وش عندك ومانبي كلام مراهقين من خلف الشاشات
إدعولي بالشفاء العاجل .
وشكرا لكم
.
.
|
لا أؤكد صحة هذا الكلام ولا انفيه
ولكن هو كلام منقول من أحد الاشخاص الذي ذهب هذا اليوم إلى الخدمة المدنية
وهو الاقرب الى الصحة بإذن الله