^^
أنا جدتي تزوجت بعمر١٢ سنة والفرق بينهم كبيييير مرررره
ماشاء الله الأولين ماعندهم خلاف أهم شي رجّال والمشكلة انها مادرت
عن شي كانت تلعب مع بنات الحارة بالشارع ونادوها وسبحوها ومشطوا شعرها
ولبسوها العباية والشيلة وعرفت ان الدعوا عرس ولما جا الليل دخلوها على جدّي
وكان عمره بالأربعين الله يرحمه ودااايم تتكلم لنا عنه الله يرحمه كان يشتغل بشركة
أرامكو بالشرقيّة وهم عايشين بقرية بنجد وبجلس فترات على مايجيهم بس لما
يجي كان محمل بالخير ماشاء الله لحد ماتوفى أبوه الله يرحمه وترك وظيفته
عشان يربي أخوانه طبعاً أخوانه من أبوه لان أمهم تزوجت بعد ابوهم ورفض أخوانه
يتربون عند غريب وترك وظيفته عشانهم وجا للديرة واشتغل سوّاق باص وربى أخوانه وعياله
وسبحان الله لما مرض نفس الشي صار فيه تعب حييل وكان ابوي يدور وظيفة وجاته عروض كثيرة
بس رفض لانها بعيده عن أبوه المريض وجلس ليين ربي رزقه وظيفة بالديرة اللي هو فيها
وظل بجنب جدي لييين توفى الله يرحمه وبعدها ربى أخوانه وكانوا صغار وهو توه متزوج جاه ولدين
وماتوا وهم بالحضانة الله يرحمهم ع حياة جدّي عشان كذا جدي ماشاف ولا واحد فينا الله يجمعنا به في
جنات النعيم وبصراحةاللي شفته من تعامل جدي مع ابوه وبالمقابل تصرف ابوي مع جدي ومع اخوان
أيييقنت ان الدنيا تدووور واللي يسوي خيير إلا مايلاقيه الله يرزقنا بر والدينا يااارب