اقتباس:
المشاركة الأصلية كتبت بواسطة ][ wizard ][
بحاول افيدك على حسب خبرتي 
و كلامي إن شاء الله بيفيدك في هالمقابله او في اي مقابلة اخرى ..
1)المقابلة نتكلم فيها عربي او انجليزي ؟
فيها عربي و انجليزي ..!!
وخاصه في المقابلات اللي يبون يميزون شخص عن آخر ..
مثلاً إذا قال لك تكلم عن نفسك بالعربي ..
راح تذكر لهم نبذه من السيرة الذاتية ..
- ميلادك مكان ولادتك و نشأتك ..
- دراستك و تخصصك في الثانوية العامه ,
و في الجامعة او الكلية و سنة التخرج ..
مثلاً تقول حصلت على الثانوية العامة علمي او أدبي او اي تخصص سنة كذا و بمعدل كذا ..
و بعدها واصلت مشوار الدراسة و حصلت على دبلوم او بكاليوريوس في قسم كذا بمعدل كذا و تذكر السنة ..
طبعاً ماتسرد كل شي بتفاصيله كامله لا تاخذ المهم بس ..!!
واذا عندك خبرات تذكر المنشآة مع وظيفتك فيها نبذه مختصره ..
وحاول ترتب كلامك من الاقدم الى الاحدث ..
مثلاً اذا كنت الآن على رأس العمل او وظيفة في شركة , تذكر الوظيفه الحاليه آخر شي ..
اذا كان عندك خبرات غيرها اقدم ..
وينطبق الكلام على الدورات ايضاً ..
واذا رتبت كلامك اللي تبي تقوله بالعربي ..
ترجمه بالانجليزي و حاول تستعد له ..
علشان ما تتفاجئ اذا قال تكلم بالانجليزي ..
على فكره ترى بالجامعة او اي دائرة حكومية ..
مايركزون كثير في المقابله او الاختبار عليه ..
ياخذون رؤوس اقلام علشان يشوفون ثقافتك بس ..
طبعاً بإستثناء بعض القطاعات 
ولا ترتبك في المقابله كأنك جالس مع اخوانك ..
ولا تمثل لهم دور انك غير مرتبك لا خلك على طبيعتك عاااااااادي ..
ياخي تخيل نفسك في سرى حلاق و تنتظر دورك 
2)الاسئلة التي تطرح في المقابلة عن التخصص واسئلة عامة؟
فيه عن التخصص اللي مقدم عليه و فيها عامه ..
اعرف وشـ التخصص اللي قدمت عليه و المهمام اللي يقوم فيها ..
على اساس تكون عندك معلومات كامله و تعرف ترد ..
و الاسئلة العامه بتكون عاديه ..
مثلاً بيقول لك ليه تبي تنظم معنا و تترك عملك الحالي ..
يبون يستدرجونك تتكلم عن عملك السابق ..
بس الرد الدارج قل لهم ابحث عن الافضل و التطوير و الامان وكذا << تفلسف بحدود ..
3)كم مدة المقابلة بالدقائق؟
ما تطول اكثر من 10 دقايق لان فيه غيرك كثير عندهم مقابلات ..
غالباً تاخذ 5 دقايق بس ..!!
يشوفون هندامك و لبسك و شخصيتك و طريقة كلامك ..
و يسئلون كم سؤال بسيط على اساس يشوفون معلوماتك و طريقة كلامك و اسلوبك بالرد ..
و ثقتك بنفسك وانك ما تعاني من اي شي يمنعك من الوظيفه ..
4)اي دورات اوشهادات خبرة تم الحصول عليها بعد المطابقة والاختبار التحريري نقدر نقدمها في المقابلة الشخصية ولا خلاص تستبعد؟
ايه تقدر تقدمها لهم في المقابله الشخصية ..
انت جهز كل اوراقك من شهادات و خبرات و دورات و حتى السيرة الذاتية ..
و خذها معك وانت رايح للمقابلة ..
98% ياخذون اوراقك في المقابله و يطلبونها منك ..
وانت يمكن تلاحظ اذا حطوا اوقات المقابله و حددوها ..
يمكن يكتبون لك تجيب اوراقك الاصلية و نسخ منها ..
وحتى لو ما اخذوا او ما طلبوا انت خذ اللي ما اضفته لهم في المطابقه ..
وقل لهم عندي دورات او اي شي ما اضفته و اخذته بعد المطابقه ..
لان الدورات و الخبرات تفيدك كثيييييييييير في الترشيح 
ومافيه شي يستبعد ..
5)الديوان هل يستبعد في المطابقة او الترشيح الدورات التي مضى عليها 5سنوات؟
لا , الدورات و الخبرات و الشهادات مالها تاريخ محدد ..
احتفظ بكل دوراتك و خبراتك و شهاداتك ..
واي مكان تقدم ارفقهم كلهم لو تسوي كتاب من الدورات بالعكس هالشي يفيدك ..
اتمنى اني قدرت افيدك بمعلوماتي .. |
يعطيك العافية wizard على مجهودك الرائع
وأتمنى من أي واحد عنده معلومه عن مشغل أجهزة المرتبة السادسة والسابعة
وعن طبيعة المقابلة الشخصية او معلومات اخرى ان يسردها هنيا 