المشاركة الأصلية كتبت بواسطة من أنتم

الإجتياز في قياس المعلمين لابد ان تكون درجتي التخصص والكلية من 50 واعلى

بالنسبة لموضوع قياس

رحت اليوم لوزارة الخدمة المدنية بالرياض

واول لا رحت للقسم المراجعة والاستعلامات في الدور الارضي وسألت الموظف

أبغى أعرف أنا مسجل عندكم مجتاز قياس أم لا؟؟؟ طلب السجل المدني
وقالي انت غير مجتاز

قلت طيب انا مجتاز شلون عندك غير مجتاز قال راجع قسم القبول في الدور الثاني

رحت لمدير قسم القبول / واحد ثقيل دم وثقيل طينه ويكلمك ونفسه برأس خشمه اسمه عطا السبيتي

قلت له عن الموضوع قال احنا نأخذ على اللي يصلنا من وزارة التربية والتعليم

وانت مبين عندي غير مجتاز قلت. الحل ؟؟ قال الحل راجع لك مااقولك روح هنا ولا هناك ولاودي امشورك

وطلب مني السجل مره ثانية ( يقول ابغى اشوف اسمك موجود في السيدي اللي ارسلته وزارة التربية لنا ) المهم ماحصل اسمي قال مازودنا بإسمك لانك بعد 5 / 6. متخرج

المهم رحت بعده لقسم الاعلانات الوظيفيه وحصلت رجال طيب اسمه عدنان المهم قال لي خريجي الفصل الثاني وصلنا اسماء خريجي الانجليز والرياضيات مع الخريجين القدامى المجتازين للقياس

اما اللي مكمل بياناته بعد 5 / 6 يعني خريجي الفصل الثاني غير الرياضيات والانجليز يطلع لنا انهم غير مجتازين لان اسماؤهم بالتربية
إلا الآن مازودونا

اذا صار عندهم احتياج يرسلون لنا اسماء المجتازين واحنا نسوي لهم مفاضله جديده حسب النقاط