اقتباس:
المشاركة الأصلية كتبت بواسطة عايشه بغفله
جزاك الله خير على الدعوة
لك بالمثل إن شاء الله
مع أني حسيت أنك فاهم اسمي غلط
معليش عندي سؤال زيادة فيه ناس تقول أن راتبك بالبداية راح يحدد مصيرك بالوظائف الجايه
يعني لو رضيت مثلاُ بالبدايه ب 2000 الوظيفه الجايه يزيدون شوي على 2000
ولا هالكلام فاضي ؟!
الأهم أقبل بتخصصي مو مهم الراتب صح ؟
لخبطت مو ccna أقصد oca في مجال الديفلوبر
مافكرت بالشبكات أبد يقولون مستقبلها للبنات مو زي الشباب
أنا حابه الاوراكل أكثر
رأيك بشهادة الاوراكل ؟
منحرجه منك والله على كثرة الاسئلة بس من يوم ماتخرجت كنت أتمنى أحد يفهمني
ولقيتك بطريقي جزاك الله خير ماقصرت الله يجعله بميزان حسناتك يارب وإن شاء الله تلقى اللي يسرك ويرضيك
عاجزه عن شكرك  |
بارك الله فيك
واسمك فاهمه صح ان شاء الله ، وأعرف إنك لا تقصدين الغفلة عن الله أو الغفلة الدينية، ولكن من باب التنبيه فقط والبعد عن هذا الإسم أفضل . فقط
بالنسبة للراتب القليل أعرف شخص ، بدأ براتب حول الـ 2000 ريال وقبل سبع سنوات اتذكر ان راتبه كان وصل 25000 غير البونص والمميزات الثانية والمكافآت لأنه كان أصبح مدير إدارة وقتها ، وأكيد الآن وضعه أفضل. ومثل هذه القصص كثير .. وخصوصا اللي مؤهله بكالوريوس مثلك .. هذه تساعد جدا في الترقي السريع لأن فيه بعض المسميات الوظيفية مثلا داخل الشركة لا من ضمن شروطها شهادة البكالوريوس فينحرمون منها أصحاب الدبلوم مثلا حتى لو كانوا قدامى ..
أما انه الراتب اذا كان قليل فخلاص يستمر كذا فهذا كلام غير صحيح ... ارضي بالبداية بهذا المبلغ ولو حصلتي على وظيفة أخرى مثلاً ليس من الضروري أن تقولين لهم كم راتبك ، بل اتركي الحكم لهم فمثلا لو قالوا راتبك 6000 ، تأخذين عرض رسمي وتروحين لعملك وتقولين لهم هذا عرض من شركة أخرى .. سيضطرون أن يرفعوا راتبك أو يقولون ليس لدينا امكانية وتنتقلين ...
أنا ارتفع راتبي اتذكر من 2800 الى 3200 الى 4000 خلال اقل من سنة ونصف تقريبا عمل
ثم بعدها ارتفع الى 7 تقريبا ثم تزايد خلال 3 سنوات تقريبا الى ان وصل لما انا عليه.
فمن هذه الناحية لاتنظري للكلام هذا بالعكس ياما ناس اعرفهم انتقلوا من مبلغ 2000 وما حولها الى ارقام خيالية ... وكله رزق من الله..
المهم هو الانخراط في العمل واكتساب المعرفة والخبرة وبعدها يأتي الخير بإذن الله ..
مثلا اعرف شخص كان يستلم راتب قليل وانتقل مديره الى شركة أخرى وأخذه معاه يعني رشحه لوظيفة عنده براتب عالي تقريبا اكثر من الدبل
يعني تصير قصص ومواقف وأشياء ربك ييسرها بإذن الله ...
بالنسبة للأوراكل تخصص ممتاز جدا وله مستقبل بإذن الله تعالى . وفعلا ً كلام صحيح اللي سمعتيه في أن الشبكات مستقبلها للبنات مو مثل الشباب ... يبدولي هذا فعلاً كلام صحيح ....
اللي أعرفه أن أغلب الشركات والقطاعات تتعامل مع تقنيات شركة أوراكل ..
وفقك الله يا أختي .. أرجو أن أكون أوصلت لكم بعض المعلومات .. وأي استفسار لا تترددوا
سبحانك اللهم وبحمدك أشهد أن لا إله إلا أنت ، أستغفرك وأتوب إليك