وعليكم السلام ورحمة الله وبركاته
والله ياخوي تبي نصيحتي .. لا تفرط بأي وظيفة توصلك
سواءا بالقطاع الحكومي أو العسكري أو الخاص
أنا مثلك متخرج من معهد صحي ومعاي دبلوم صيدلة
وتعيين الصيدلة بالصحة مطوووول
ومع هذا مقدم على المباحث وان شاء الله بقدم على امن المنشئات والامن العام
واول مايتم قبولي فيها بتوكل على الله وبدخل فيها
حتى القطاع الخاص مقدم على الشركات وسويت مقابلات شخصية
وانتظر اتصال الاسبوع الجاي بخصوص الوظيفة
الواحد يشتغل أي شغله ولا يجلس بالبيت وتكون نفسيته صعبه
ويمكن يجي اليوم اللي يندم فيه على الايام والسنين اللي راحت عليه
وثاني شي لا تربط نفسك بتخصصك
اعرف ناس كثير درست تخصص وتوظفت بمجال ثاني وتزوجت وخلفت عيال ولسه ماجاهم التعيين بتخصصهم
فـ عشان كذا ياخوك توكل على الله وأي وظيفة يتم قبولك فيها بأي قطاع وافق وتوكل على الله
وأكثر من الاستغفار واحرص على الصلاه ورضا الوالدين بتكون بقمة سعادتك
عسى الله يوفقنا ويوفقك دنيا واخره
