اقتباس: المشاركة الأصلية كتبت بواسطة حلمي غلطت عمري بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين فتح تقديم المديرية العامة لمكافحة المخدرات 1431 بشهر 12 تم اعلان النتايج بشهر واحد طبعن النتايج كانت مجموعات مثلاً المجموعة الاولة موعده بتاريخ 1/1/1432 المجموعة الثانية موعدة بتاريخ 2/1/1432 المجموعة الثالثة موعده بتاريخ 3/1/1432 المجموعة الرابعة موعدة بتاريخ 4/1/1432 المجموعة الخامسة موعده بتاريخ 5/1/1432 وهكذا تقريباُ كان عدد المجموعات في التقديم 40 مجموعة وكل مجموعة بيوم مثل ما شرحت لكم المثال اللي فوق طبعاً كانت التسجيل لرتبة جندي لحملة الشهادة الثانوية العامة وما يعادلها طبعاً رحنا للجنة القبول والتسجيل للمديرية العامة لمكافحة المخدرات بالرياض تحديداً حي المؤنسية-شمال غرب الفحص الدوري لسيارات على طريق الدمام السريع بالظبط ورا قااعة اليخت اللي على شكل سفينة جينااهم لقينا الشرطة العسكرية وملازم اول بالشرطة العسكرية مطوع العريني الله يوفقه حبيب بمعنى الكلمة صفونا وقامو يندونا على حسب رقم الطلب طبعاً دخلنا داخل اول مكتب اللي هو تقول له رقم طلبك ويعطيك ورقها موجود فيها اسمك الرباعي رقم هويتك الوطنية مكان ميلادك ومعلومات أخرى خلاصنا من هذا رحنا مكتب بجنبه على طول قياس الطول بعدها عطونا اوراق ودفتر اللالتحاق بالخدمة العسكرية لونه اخظر طبعاً قالو لنا لا تكتبون به اي شي وبعدها قالو لنا روح فوق بالصالة بالطابق 3 رحنا عاد تطبيق الاوراق اللي الشهايد وكرت العائلة وبطاقة احوالك والصور يعني انت خذ معك كل شي حتى لو ماله فيده الاحتياط واجب طبقا الاوراق طبعاً بالترتيب على حسب رقم الطلب نصيحة مني لكم احترموو انفسكم وجوالتكم على الصامت ولاحد يكثر سوالف ولا حد ينام بالصالة وانتم افهموها الوكاد وصلنا للفحص الطبي واوراق البصمات الفحص الطبي يخيرونك عدة مناطق وين تفحص بها اللي هي : الرياض القصيم مكة الطايف القصيم جدة القريات الدمام ----------- واوراق البصمات من مزاجك انت بالديرة اللي تبيها اي منطقه تبيها عرعر شروره بكيفكم طبعاً بالنسبة هذا للوراق البصمات وقالو رحو افحصو وخلاصو اموركم وبعدها حنا نرسل لكم رسايل بالجوال او تابعو الموقع طبعاً فحص كل واحد بالمنطقه اللي اخترها وعبينا دفتر الالتحاق بالشكل المطلوب وجهزنا امورنها بعدها اعلانو بالموقع رحنا للموقع على شكل مجموعات كانت 17 مجموعة مثل ما شرحنا فوق كل مجموعة يوم رحنا سلامنهم اورق الفحص وصور شخصية وبطاقة الاحوال الاصل وكرت العائلة الاصل وصور منها ومن هالكلام يفهمونكم هناك طبعاً تسمعون اشعااات بشكل كبير يجيك واحد سوا قابلته او بالمنتدى يقول لكم انا خالي خوي العقيد السديس يقول ان النتايج يوم كذا او ان العدد الفلاني لدورة كذا تطفشون من الاشعاات انتم طنشوووها ولا تديرون لها بال وبعدها الفرز النهائي الفرز النهائي صراحة يخوف بشكل كبير انك انت مقبول ولا لا لاحد يوسوس ادع ربك واتكل عل الله عز وجل بعدها اعلان الفرز النهائي وتسليم الشهايد الاصلية ومعرفة اين تقع الدورة وفي اي مركز تدريب او مدينة تدريب او معهد تدريب رحنا سلامنا الشهايد الاصلية وقالو لنا الدورة تبدا 18/6/1432هـ يوم السبت بمعهد حرس الحدود بالرياض بحي السلام ورا مستشفى اليمامة وهذا وصلى الله وسلم على نبينا محمد عليه افضل الصلاة والتسليم وختام ارجو اني افتدكم بكل شي ماهو مطلوب وارجو منكم بأن تدعو لي بالخير والهداية والتوفيق والسداد في حياتي العلمية والعملية وان الله ييسر اموري بدنياي وأي استفسار شي انا حاظر ومتابع موضوعكم كل يوم وأسال الله العلي القدير بأن يوفقكم انشاء الله العموم ثآآآآآآآآآآآآآآآآآآآبت استاااااااااااااعد للليمن در والسلام مسك الختام ولكم مني للجميع هذه الورده الله يفتحها بوجهك وين ماتوجهت يااارب على الشرح الوافي يالذيب
