اقتباس:
المشاركة الأصلية كتبت بواسطة حمودي الروقي
افضل تخصص في الامن العام لوسمحت ؟
|
أخوي سؤالك حلو لأن كثير يرددون نفس السؤال
مافي تخصص في الأمن العام افضل من تخصص ثاني
كلها نفس الرواتب كلها نفس عدد ساعات الدوام
لكن تختلف اشكالها
جندي في المكاتب يستلم راتب 7100 ريال
جندي في الميدان يستلم راتب 7100 ريال
لكن هذا اصنافه تختلف عن اصناف الثاني
حكومتنا الله يخليها لنا ماقصرت مع العسكر
والملك عبدالله الله يحفظه ويعطيه الصحه والعافيه ويطول بعمره
اكرم العسكر اخر كرم
يعني جندي المكتب يدوام من السبت للأربعاء من 8 إلى 2 ونص
وجندي الميدان استلامات بعضهم 24 ب 48 وبعضهم 24 ب 72
وطبعا لهم كل كم استلام راحه مدري كم بالضبط
لكن حسبة ساعات العمل في الشهر نفس بعضها
عدد الساعات للجندي في المكتب نفس عدد الساعات للجندي في الميدان
وجندي المكاتب عنده اشياء مريحه مثل المكيف والراحه الخ
لكن عنده اشياء تغثه ماهي عند عسكري الميدان
يعني بإختصار بسيط
اذا جيت عند أهلك في الديره اللي تبيها
خلاص انت احسن واحد في العسكريه
كل القطاعات نفس بعضها في عدد ساعات العمل والرواتب
مهما اختلفت المسميات وطبيعة العمل
توكل على الرحمن واحمد ربك على اي تخصص يجيك
وترى على فكرهـ
التخصصات ماتختارها انت التوزيع من ادارة القبول والتسجيل
الا اذا عندك واسطه في القبول والتسجيل
وبالتوفيق للجميع .