اقتباس:
|
السلام عليكم ورحمه الله وبركاته
|
وعليكم السلام ورحمة الله وبركاته
اقتباس:
|
مدري من الهموم انا في صباح ولا مساءًّ !!
|
لانك غير متفاءل
اقتباس:
|
كل عام والشعب متوظف والله ودي افرح لكل واحد متوظف والله البطاله يااناس ذباحهُ
والله تقتل كل فرحهُ تقتل كل ذرهـٌ سعادهُ في داخلُكُ
|
صحيح ان العمل مهم والانجاز مهم في الحياة لكن الوظيفة مو كل شي
انت مسلم ومصلي وصايم وتخاف ربك احمد ربك على النعمة هذه واكبر نعمة ممكن يحصلها الانسان في حياته
لان هذا سبب من اسباب السعادة
اقتباس:
|
مدري الفقرُ يبيني ولا كيفُ والله حتى الوالدهُ قالت انت منحوسُ
|
عندك مشكلة انك غير متفاءل ونظرتك سوداوية وتنسى ان الارزاق بيد الله وان للرزق اسباب وان تاخر رزقك مايعني انك تيأس و تقنط من رحمة ربك لو استمريت بهذا التفكير قد تأثم وقد يصلك للسخط وعدم الرضا بالقدر وتوزيع الله للارزاق
اقتباس:
|
المشكله انا خاطب ووهقت بنت الناس
|
الحين الخطوبة صارت مشكلة ؟
ليش ماتنظر لها انها نعمة من النعم وقبول الفتاة بك نعمة
وقبول اهلها بك نعمة
وانتظارهم لك نعمة
الا تستحق الحمد والشكر ؟
وقبولهم وانتظارهم لك ماتشوفه انه تقدير لك واحترام ولانهم شايفين بذرة الخير اللي فيك ؟
يعني صلاتك والتزامك عاد لك بخير ماشاء الله وربي رزقك بفتاة صالحة تسعدك ان شاء الله ولو ماشافوك مصلي وخايف ربك يمكن ماكان قبلوا بك صح ولا لأ ؟
مع ملاحظة ان العبادة والالتزام بأوامر الله عز وجل ورسولة ليس عليها مقايضة ابداا وهي سبب خلق الله للبشر
اي ان انت تعبد الله لانك مأمور بذلك ولاتعبدة لانك تطلب رزق وغيره وان لم تحصل على ماتريد تتهاون في العبادة
اقتباس:
|
وترا انا محافظ على صلاواتي وماكلم بنات ابد واخاف ربي
|
واجبك يااخي الكريم هذا
الانسان لم يخلق الا للعبادة و العمل
اقتباس:
|
،و قدمت كل الوظايف سويت مقابلات قدمت عسكريه قدمت دراسهُ لاحد يجي يقول انت ماسعيُتُ ومعي شهادهُ ثانويه علوم طبيعيه دورات مافي بحكم ظروفيُ ,.,،
|
والسعي ايضا واجب عليك
وتذكر دائما
علمت أن رزقى لا يأخذه
غيرى فاطمأن قلبى، وعلمت أن عملى لا يقوم به غيرى فاشتغلت به
وانت معاك ثانوية ماشاء الله
فيه غيرك معاهم ابتدائية ومتوسطة وماشاء الله ماعندهم الاحباط واليأس اللي عندك
ويبحثون ويسعون ويستغلون الوقت بتطوير نفسهم ويتعلمون ويكتسبون خبرات وتجارب تفيدهم ولاهم مقصرين بدينهم
اقتباس:
|
ابي دعواتُكم انا قررت افسخ الخطبه حرام كل يوم البنت تتعلق فيني اكثر واكثر
|
استسلام ماله اي مبرر
لو ضايقهم شي هم بيقولوك ... ليش انت تحكم وتقرر عنهم ؟
اقتباس:
|
او ردوني بدعوه والله خلاص ضاقت فيني الوسيعه وانا طالب الحلال
والله ودي انستر بالحلال
|
الله يرزقك وييسر امرك وامر جميع المسلمين
اقتباس:
|
ابي وظيفه حكوميه لو راتب 1000 ريال اهم شي اظمن مستقبلي ومستقبل البنت
|
فيه وظايف في الخاص براتب 3000 واكثر ؟ ليش ماتقدم عليها ؟
الوظايف الحكومية مو امان ولاضمان في الحياة
بس انت ماتبغى تتعب في شي
تبغى وظيفة راتبها مضمون وبسسس
وهذا اكبر غلط
اقتباس:
|
وكثير اصحابي توظفو عسكرريه ثانويه بدون خبره وفي ناس وظايف حكوميه
|
رزقهم ربك قدرة وكتبه لهم والقدرما عليه اعتراض
الدورات والخبرات والمؤهلات مو هي اللي بتجيب لك الوظيفة
لو ربك ماكتب لك الوظيفة لاخبرة ولاشهادة بتجيبها لك تأكد من هذا الشي
وانت رزقك بيجيك اطلبة وادعيه واكثر من الدعاء والاستغفار واسعى واجتهد اكثر وراجع نفسك وشوف وش الغلط اللي عندك
وتاكد انه امتحان لك من رب العالمين
او اعتبرها فرصه عشان تغير تفكيرك وتراجع نظرتك للامور وتحاول تجرب اعمال واشغال ثانيه
الله اعلم يمكن رزقك يكون فيها واحسن من الرزق اللي انت زعلان عليه
اقتباس:
|
اللي ابي اعرفه في وظايف للثانويه ولا .؟
طبعا مثل ماذكرت بدون دورات
|
قدم وجرب ولو مكتوبه لك بتحصلها ان شاء الله
اقتباس:
|
اللي يسأُل عن الطول : الطول 170 / الوزن 68 والله ياعالم جسم رياضيُ
|
اشك انك تدور واسطة هنا صح خخخخخخ
الله يرزقك
اقتباس:
|
طبعا بنات ماكلم اخاف ربي اصـُلي الحمدلله مو مقصر الوآلدين مو مقصر معهُم
|
الحمدلله واجتهد اكثر واكثر هذا واجبك
لو قصرت انت بتتحاسب على تقصيرك وان اجتهدت والتزمت انت بتتحاسب
اقتباس:
|
العسكريه اقدُمُ مانقبل حتى قبول مبدئي .؟
|
مومكتوبة لك
اين الرضا بالقضاء والقدر وتوزيع الله للارزاق
اقتباس:
|
كل الناس مرضوني واسطه واسطه الكليه قدمُت فيهاٌ مرمطونيُ ونسبتي 79 علمي ..
وقالو يقبلون 60 وفوق يعني مفروض يقبلوني لو نسبتي 80 كان قدمت جامعُه
|
حاول مره واثنين وعشره
اقتباس:
|
وش كمان والله ياعالم كل مره ودي ابكـي من القهرُ بس اكذب على نفسي واقول بكره تجيك الوظيٌفهٌ
|
ابعد عن اليأس وخلي املك بالله كبير
اقتباس:
|
والله وسوست ضعفت شخصيا مرضت علما وزني كان صدق 68 الحين صار 64 وكل مره انزل
|
غير نظرتك للامور وتفكيرك وخلي املك بالله كبير واحسن الظن به وارضى بالقضاء والقدر
وراح تتحسن وتصير احسن من اول
اقتباس:
|
والله لو السكيورتي لو منها خبرهُ كان دخلتها بس ماتفيدني وانا مادرست 12 سنه عشان هذه الوظيفه
انا طموحي اكثرُ من كذاُ لانه السكيورتي من ابتدائي يقبلون بس الشكوى للهُ
|
حتى لوطموحك كبير
مايمنع انك تبدأ من وظيفة بسيطة لان مافي شي يبقى على حالة بالدنيا
اليوم صغير وبكرا كبير
وبدل ماتقول انا مادرست 12 سنة عشان هذه الوظيفة
قول انا درست 12 سنة عشان اتعلم واستفيد والحمدلله تعلمت واستفدت والله يوفقني ويرزقني الرزق الحلال الطيب المبارك
واذا شايف 12 سنة كثير فيه ناس يدرسون 25 سنة واكثر ومع ذلك مايدورون الوجاهات والمسميات الوظيفية
انك تبدا بوظيفة بسيطة احسن من انك تضيع عمرك في الانتظار
اقتباس:
|
وابو البنت لو درى ان زوج بنته سكيورتي والله مايقبل الناس تغيرت اول رجال مو متوظف يقبلون
الحين لازم وظيفه حكوميه وفوق كذا راتبها قوي والمهر عالي ..
|
اعيد واكرر ليش تحكم وتقرر عنهم ؟
يمكن انت نظرتك كذا . بس الناس مو كلهم كذا
اقتباس:
وانا ودي انقبل في المباحث دعواتكم
|
الله يكتب اللي فيه الخير
ردي اعتبره نصيحة للجميع
الله يهدي ويوفق الجميع