الله يعينك ويعين امك


ان كنت انت عانيت 15 سنة معاه كيف امك اللي عانت معاه سنوات اكثر !
امك صابرة راضيه وقوية ماشاء الله عليها وشوفها مافكرت بطريقة سلبية بيوم وان كانت نفسيتها سيئة تحاول ان تكون قوية وتحسن من نفسيتها طول عمرها
زوجها مايعدل بينها وبين زوجته الاولى ومع ذلك صامدة لاقوة الا بالله ماشاء الله عليها

دايما الواحد يشوف اللي احسن منه ويتعلم منهم
انت صابر وقوي ماشاء الله لكن يمكن تجيك لحظات تتعب وتضعف
في هذا الاوقات طالع لامك وتأمل حياتها
وصبر نفسك , اسأل نفسك ايش يطلع اللي شفته جنب اللي شافته ؟ وايش تكون معاناتك جنب معاناتها
خليك اقوى واقوى واقوى
مو بس عشانك ... عشان امك الله يحفظها كمان


والقوة مو المقصود بها الانتقام والاذى او فعل الغلط او الغلط بالكلام عليه

القوة هي اللي تخليك تتعامل مع هذه المشاكل والمعاناة بطريقة افضل ,, فيه امور تصير في الحياة بدون ارادتك ومجبور تتعامل معاها ولايمكن تتجاهلها , والا راح تضر نفسك وتضر حياتك

واللي يصير معاك ماتقدر تتجاهله او تغيره لكن تقدر تتعامل معاه بطريقة افضل

ثم ان الانسان مبتلى في الدنيا وهذا ابتلاءك اسأل الله الاجر والفرج واحتسب وانتبه تخرج من هذا الابتلاء والامتحان وانت خسران

ابوك انت تعرفه اكثر من الاعضاء هنا يعني انت اكثر واحد تعرف متى يعصب ويزعل ومتى يكون رايق و و و و
لما تشوفه معصب لاتجلس معاه
لاتخاف منه وتعلم المواجهه
حاول تتكلم معاه بلطف ولين
اختك كلمها خليها تكلمه
اشغل نفسك بأي عمل او اي هواية وحاول انك تكون انسان منجز
اكثر من مساعدة الغير والاعمال التطوعية اللي تقدر عليها
امك ثم امك ثم امك
حاول تفرحها بنجاحك في حياتك وانجازاتك وقوتك وطموحك
ترى كل ام وكل اب مهما كانوا سيئين مستحيل مايتمنون او يفرحون لما يشوفون عيالهم ناجحين ومحد مثلهم
حتى لو مايوضحون هذا الشي


واخيرا تراها نعمة كبيرة انك وجدت من يساعدك ويرشدك . نعمة تستحق الشكر والحمد
ياليت كل الاساتذه مثل استاذك
فعلا لهم دور كبير في حياة طلابهم لكن للاسف موكلهم مقدرين اهمية مكانتهم ولاهم قدها
جزاه الله خير هو وامثاله

حاول تشوف الايجابيات في حياتك
صح ان اللي يعمله ابوك معاك مو سهل وصعب بس تذكر انه فيه غيرك ممكن يصير معاه امور اصعب واصعب


كل التجارب اللي يمر بها الانسان في حياته يكتسب منها حكمة وخبرة تفيده في المستقبل
كل العلماء والمخترعين وغيرهم كانت حياتهم صعبه في بدايتها ومروا بتجارب قاسية
لكنهم ماخلوها تقف بطريق نجاحهم وسعادتهم واستفادوا منها بشكل ايجابي رااائع

كن انسان مؤمن ملتزم ... ناجح طموح .... منجز وفعال في مجتمعة ونافع لنفسه ولاهله وللجميع .. قوي وصابر وصاحب عقل حكيم ... وكن في المستقبل اب افضل وعش الحياة اللي تتمناها وادعي الله واكثر من الدعاااااااااااااااء


وبالنسبة للي يقول راح يورث ابوه وتنصحووه يقوله مدري ايش

ترى سبحان الله الواحد مايضمن عمره ... ومو لازم الاب يموت قبل الابن بعد عمر طويل طبعا

لا تنصحون الابن يتجرأ ويقول شي لابوه او يتصرف معاه تصرف ممكن يرجع عليه بشكل سلبي ويندم عليه بعدين

ابوه هو كذا ولايقدر يغيره ... لكن يقدر يختار هو كيف يكون

فالافضل يختار يكون الابن البار العاقل الصابر ويحتسب الاجر على الله
ويهتم بنفسه وشخصيته وقدراته وموهبته ودراسته وشغله وعلاقاته مع اصحابة واهله والاهم علاقته بربه
وكذا بكل الاحوال وحتى لو تعذبت وتعبت وعانيت راح تكون مرتاح الضمير

والدليل الان بعد كل هالمعاناة الا انه يفتخر بنفسه كإبن بار وانه عمره ماغلط على ابوه او تطاول عليه
وان شاء الله دوووم تكون مفتخر بنفسك وراضي عنها وابن بار يقتدون بك اللي حولك واللي اطلعوا على تجربتك
والاحوال مصيرها تتغير وتتعدل للافضل ان شاء الله
سبحانه يغير الاحوال من حال الى حال في غمضة عين
استعن بالله والجأ له وقوي علاقتك به لانك ماانخلقت الا لعبادته


ان شاء الله تجد فائدة في ردي والله يوفقك ويوفق الجميع ويصلح الاباء والامهات اللي من هالنوعيه والله يعوض ابناءهم وبناتهم خير ويجزيهم خير الجزاء