والله العتب على السعودي في الموضوع هذا بالذات..

يعني عارف إن العامل غشيم مايدري وش السالفة وانه واقف على رجليه في عز الشمس أو في قوة البرد بس علشان يلقط رزقه.

ياناس مشكلتنا مو مع العمالة اللي مثل هذي.. مشكلتنا مع العمالة اللي تجي وهي حاطة في بالها سنة أو سنتين ويطلع من الديرة وهو محمل دراهم.. بالنصب . بالكذب . بالغش . بالسرقة .. أهم شي يكسب.. هذولا ناس مساكين .. الواحد يقعد من الفجر إلى الساعة 10 بالليل بس علشان 50 ريال .. ياخذها ويحطها تحت وسادته جنب صورة عياله اللي ماشافهم من سنتين إلى أربع سنوات وينام بعد ماتنزل له كم دمعة قهر من الذل اللي شافه في اليوم الأغبر هذا..

يوم الخميس الماضي الهندي اللي عندنا في الإستراحة جمع راتبه من كل شخص فينا 25 ريال من كل واحد نضير تنظيفه للإستراحة وعمل الشاي .. يعني اللي طلع له يمكن 200 ريال وراتبه اللي من كفيله صاحب الإستراحة 600 ريال وطلب من واحد من الشباب - الله يجزاه خير دايم يعطف عليه ويساعده - طلب منه يرسل لأهله 700 ريال والمسكين يعيش على 100 ريال فقط.. طبعاً الشباب مايقصرون من أكل ولبس وغيره بس برضو 100 ريال ماتسوي شي..
السعودي اللي صور المقطع هذا كل همه إنه يضحّك اخوياه على جهل المساكين اللي في الشارع .. الله حسيبه.

وجهة نظر