بسم الله الرحمن الرحيم
السلام عليكم ورحمة الله وبركاته..
الكلام موجه ل بوبا ولكل شركةاو بنك اختلاط ..
ياناس ياعالم اللي قاعد يصير حرام .. وجريمه ..اساس البطاله عند اغلب النساء هي الاختلاط..
والله لو ماالاختلاط مداني توظفت من زمااان ..
هذي خامس وظيفه تجي لي اختلاط .. ولكن اتركها لله وخشية الفتن ول نظافة السمعه ..
وش الله حادنا عليه .. كل مااكلموني ل وظيفه قالوا اختلاط ..
والامر صار جدا عادي ..
انا قبل يومين قدمت واتصلوا علي امس شركة بوبا ل التامينات ..
قالوا عندك مقابله شخصيه .. الساعه 2 ونص ..
قلت طيب بسألك الوظيفه فيها اختلاط ؟؟ قال لا ..
واساسا المقابله راح تكون ف الفرع الرئيسي لاكن الوظيفه راح تكون
ف مكان ثاني ولا فيه اختلاط ..
وانا ماعندي خلفيه كافيه عنها ..
رحت اليوم وعلى المشوار والزحمه وطلعة الناس من المدارس .. واخوي تعطل عن دوامه ..
المهم وصلنا ل الشركه ب حي الخالديه خلف ابراج البدريه ..
ووصلونا ل الدور الثااني ..
المهم اني ملفته النظر بالنسبه لهم .. متحجبه وعباية راس وداخله ه المكان ..
وانا انظر ف المارين .. عبايات مفتوحه وبناطيل ضيقه ومكياج
وكل وحده تسولف مع صاحب العمل ..
وبعدين جات وحده وجالسه جنب صديق العمل على قولهم يفهمها ف حاجه ..المهم وقامت
ونزلت الطرحه وفتحت شعرها وقاعده تدلع به ..وربي شاهد على كلامي ..
شوي والا الي جايين بيسوون مقابله مثلي وانهم نفس الاشكال ..
بناطيل ومكياج وسوالف ..وحجاب عفوا جلابيات استرتش ..
قسم بالله الجلابيه استر .
المهم وكلموني ل المقابله الشخصيه ..
ودخلت وقال لي كيف حالك ؟
قلت حمدلله ..
قالت يااختي انتي متحجبه ماشالله عليك ..
قلت حمدلله ماهو غريب ..
قالت وانتي شايفه مجال العمل .. كله اختلاط ..
قلت ايه بس انا سالت وقال لي مافيه اختلاط ..
وان العمل ب فرع ثااني نسائي وانه هنا بس المقابله الشخصيه ..
قالت ل الاسف اللي كلمك متدرب ولايعرف طبيعة العمل صح ..
بس اذا تبغي اخلاط نبدا المقابله ..
وقفت وقلت لها خير ه ان شاء الله ..
والرحمن يعوضني ..
ومع السلامه ..
وطلعت ..
.
.
ه الوظايف ل بنات الطروش الناس اللي ماتفكر ف حلال وحرام ..
واللي عندهم مافيه شي اسمه عيب ..
وهذا الواقع
.
.
وحنا يابنات الاصل ننتظر الخدمه المدنيه علشان مانبي اختلاط .. وهي صارت قله ..
الشركات ..البنوك .. المستشفيات .. والله لو مافيه اختلاط كان توظفنا ب الراحه ..
عندنا الشهادات اللي تساعدنا .. حمدلله ..
.
.
بس انا اقول ان اكبر جريمه ل البطاله هو الاختلاط وانا اؤومن ان 90 % من بنات السعوديه رافضين الاختلاط ..
.
.
وانا من ه المنبر انا شد كل صاحب ضمير يضم صوته ل صوتي ..
ونعلنها حمله ضد الاختلاط والفساد ..
.
.