قد صك براسي هالمشروع وخذلني رأس المال ..
وحبيت أفيدك باللي وصلت له من معلومات عن الكوفي في تلك المرحلة ..

أهم شيء واللبنة الأساسية لمشروع الكوفي الموقع .. عليه يكون نجاح المشروع أو فشله ..

المشروع هذا نسبة نجاحة عاليه اذا كان موقعه طيب .. الناس بدت تقبل على الكوفيهات السفرية بشكل ملحوظ
بس المشروع مكلف ويبي لك راس مال جامد تقريبا مابين 150 إلى 200 ألف ..

عندك غالبا المحطات قد ساومت أنا بمحطة ع طريق حيوي وبداية طريق سفر يعني قالي االايجار السنوي للكوفي ومساحه متواضعه 25 الف سنويا .. عندك الأجهزة تاخذها من شركات متخصصة بهالشيء ويبي لك عدة أجهزة للكوفي مثل : ماكينة اسبريسو وهذي المكينة الاصلية قيمتها اذكر بحدود 14 الف وهي اغلى الاجهزة اللي بتاخها للكوفي وطاحونة قهوة وخلاط ثلج وغلاية ومن غير الثلاجة ومكينة عصير والمكيرويف وبقية المستلزمات هذي الاجهزة مكلفه شوي وفيها شركات بجدة توفر لك هالاجهزة ولهم كتلوجات ..

عندك الكوفي تصريحة ياخذ وقت وبنيانه ياخذ وقت ولابد يكون لك تصميم مميز وفية شركات عقار متخصصة بالديكورات للمحلات وكذا تلاقي عندهم تصاميم ..

بالاخير عندك العمالة اذكر سالت عليهم يجونك بعض العمالة ميح لابد ترسلهم لمعهد بالرياض يعطيهم دورة اتوقع بحدود اسبوعين وياخذ مبلغ على كل عالم مو فاكر بالظبط كم يمكن 2500 او 3000 ريال ..

خلاصة الموضوع لو حصلت موقع مميز وعندك راس مال .. رووووح والقلب يدعي لك وابذل كل جهدك وركز واسال وتريث بالتصميم وبالاجهزة .. ترا مشاريع الكوفي مربحة

وعسى فالك التوفيق