الدكتور اللي جانا مايعطيك الاماكن والاسعار لأنه هو يبيك تتعلمين من وين تجيبين البضاعة ووين أفضل الاسعار

هو يعلمك كيف تسوين دراسة الجدوى بشكل صحيح ودقيق وبالتفصيل ويمشي معك خطوة خطوة ويعلمك وش الفرق بين الدخل والربح وكيف تحسبين هامش الربح وتكلفة ساعة العمل

أيضا يوجهك بضرورة أن يكون ربحك مثلا 30% يتغطي رأس مالك في ظرف عدة سنوات

ويعلمك كيف تظيفين تكلفة الايجار والكهرباء والرواتب على بضاعتك .. مثلا اشتريتي جهاز لابتوب بـ 1000 ريال هل ممكن تبيعينه بـ 1010 أي بمكسب عشرة ريالات ؟ لابد من إضافة تكاليف إيجار المحل ورواتب العمال والكهرباء وبقية المصاريف مثلا تطلع 40 ريال تضضيفينها على الـ 1000 ريال ويصبح اللابتوب تكلفته عليك 1040 ريال ثم تضيفين المكسب اللي تبينه حتى تنافسين بالسوق

الدورة أنصحك فيها بقوه كنت أشوف نفسي أعرف لدراسة الجدوى لكن بعد مادخلت الدورة وتعلمت شيء كثير اكتشفت أن فيه أشياء كثيرة أجهلها واستفدت منها