السلام عليكم ورحمة الله وبركاته

لا اجيد فن المقدمات .. انا انقبلت اليوم في الدفاع المدني قبول مبدئي وبصراحه اول مره انقبل في قطاع عسكري كـ/
قبول مبدئي .. وماعرف وش الي اجيبه لهم بضبط الا روس اقلام ، ياليييييت تعلموني المطلوب مني علشان مايتحججون علي يانشاما

1. استمارة الكشف الطبي الأولي
هذي وعرفناها .. يبون اطبع الاستماره الموجوده في موقعهم واروح اعبيها من اقرب مستشفى ، صح ولالا ؟

2. صورة مصدقه من المؤهل العلمي
هنا ابي اعرف ، اصور لهم صوره من الشهاده الثانوويه فقط لاغير ؟ ولا لازم الاصل ؟

3. أصل الهوية الوطنية مع صورة لهاة
وهنا عرفت المطلوب علي وشهو .. لكن كلمة ( لهاة ) وشي يقصدون ؟ ( لها ؟ ) ولالا ؟

4. صورة مصدقه من حسن السيرة والسلوك
هنننا مطلوب صوره من حسن السيره السلوك فقط لاغير ؟ ولا صوره مع الاساس !!

5. عدد 6 صور شخصية مقاس 4 × 6 مع كتابة رقم الطلب خلف الصورة واسم صاحب الطلب والتوقيع
هنا يبون اجي لهم محلق صفر ؟ ولا اكشف الراس واصور 6 صور واجيبها لهم ؟

وبخصوص ( شهاده السباحه والغوص ) ، انا ماعندي هالشهاده لكن لو ابي اطلعها اقدر اطلعها قبل موعدي المحدد الي هو 2محرم ؟ شغله ثانيه .. انا مذكر وشو حطيت هل حطيت دوره 3 شهور او دوره 6 شهور .. او ماحطيت شي ، والله مذكر ياوجيه الخيير ( ابي نصيحتكم بخصوص الشهاده ؟)

وهل أجيهم ب لبس عايدي شماغ وثوب ؟ او لازم لبس بدله والخ ؟ < السؤال ذا موجه للي راحو قبل وانقبلو أو لم ينقبلو ، المهم الاجابببببببه ياربع
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

مع العلم ياشباب انا حالياً ادرس ف معهد مسبق بالتوظيف .. يعني لو يبون اوراقي الرسميه لابد افصل من المعهد ، ولا يسلموني اوراقي الا بعد 10 ايام .. يالييييت واحد يفيدني بالكلام الصحيح ياهل الخير


والله لايحرم كل شخص يرد علي ..الاجررر ويرحم الله والدينه ويرزقهم جنات النعيم