الى منه جفاك اللـي تـوده
ولاتدري وش اللي عنك صده
تجرع مالح العبرات واصبـر
ترى كثر الشكاوي ما تـرده
والى من الليالي عوّدت بـه
تغانم كـل فايـت واستـرده
حذار تنشغل بعتـاب خلـك
ترى كثر العتب يمحي الموده
ليالي العمر لحظات قصيـرة
وما ودعت منهـا لا تعـده
تنهض مثل صقر مد شوفـه
غداة الصبح روحه مستهـده
اذا حوّل على جول الحباري
تولى خربها وان طـار رده
ترى الرجّال يثبت للشدايـد
اذا مـا هدهـا ولاّ تـهـده
خالد الفيصل
الهااااااااااء