الأسبوع الماضي صار حادث بين سيارتين و المصابين 3 أشخاص ... فيه واحد منهم مرا حالته حرجه يوم قربت منه و إلا وهو يتألم ... المهم فيه شيء صار من بعض الحضور الله يهديهم حسيت إن بعضهم و كأنهم مفهيين لكني متأكد إنهم مذهولين من هالدم و الحادث سألتهم أحد أتصل على الإسعاف ــــــــــ
ـــــــــ ساكتين و يناظرون فيني و قمت أتصلت و خبرني اللي أستقبل مكالمتي إن البلاغ و صل ماشاء الله و ما قصروا الشباب لكن فيه واحد أعتقد سوا حركة مو حلوه لكن هو قصده الخير إن شاء الله ..... الحين هالشاب اللي حالته حرجه يخرج من فمه دم و لا يقدر يتحرك حب إنه يساعده و فكر إنه ظميان و وده يشربه مويه خبرناه لا تشربه أصلاً فمه كله دم " فما يصير يشرب مويه في ذي الحاله " و الشيء الثاني إن شفت رقبته مو مستوية مع جسمه حاول إنك تعدل رقبته "
بهدوء يعني شوي شوي إنتبه " و راسه بحيث إنه يتنفس براحه و الشيء الثالث اللي لاحظته إنهم لما يذكرون الله << هم قصدهم الخير
يرفعون الصوت بطريقه تخلي المصاب يخاف أكثر لأنه هو أصلاً عيونه مغمضه و الدم ينزف منه فقربت منه و بكل هدوء ذكرت الله بحيث إنه أبين له إن الوضع بخير الشاب ماشاء الله بدأ يستجيب لي لما أطلبه يتحرك .. يا شباب ترى المفروض إننا من الأفضل إننا لا نخوف المصاب حتى بذكر الله لازم يكون الأسلوب هاديء
هو سبحان الله كان في البداية يصرخ و يتأوه لكن لما الواحد يقرب منه و يذكر الله بهدوء و يسمعه كلمات تطمنه يهدأ و يتطمن و ترجع نبضات قلبه إلى الحد الطبيعي حتى لو كان مستوى الأدرينالين منخفض إمممم مثل على سبيل المثال لا الحصر " الحمدلله ترى مافيك شيء جات سليمه - أتصلنا على الإسعاف هو قريب الحين - الإسعاف الحين بيجي ...... إلخ "
و زي كذا
صدقوني مو قصدي أسوي فيها يعني إني لكن حبيت أشارككم باللي صار معي
ربي يحفظنا وياكم من شر هالحديد
* أعجبني موقف شابين من أول ما صار الحادث و هم يتحركون مع المصابين و ينتبهون لهم لدرجة إن المسعفين ما تعبو كثير
* لما الواحد يركب السياره يذكر الله أو على الأقل يقول بسم الله توكلنا على الله
* نصيحة من والد لولده " كل ما تسرع كثير تدفع كثير " فكروا فيها