اقتباس:
المشاركة الأصلية كتبت بواسطة فرصه اخرى
اسال الله انه يرزقك بهذا الشهر توووم عيال
ومايجي شهر 9 الا ونتي والده
كللللللوش
مبروك مقدما
اختي خلي املك بالله كبيييير
والله ماحرمكم من الذريه الا وله حكمه هو اعلم بها
الله واعلم
لوخلفتي بيطلع معاق ولا فيه عله ولا ولا ولا
والله العضيم اعرف وحده صارلها 6 سنين ماحملت
وهي سليمه وزوجها سليم لكن الله ماكتب
واعرف ثانيه كذلك 12 سنه والله ماقد حملت وبعدين حملت
فجاه وجابت ولد يزنن وصار عمره 4 سنين وتوفت امه عنه
مع انها صغيره في السن لكن امر الله
فاالخلاصه
ان الله اذا احب عبد ابتلاه
الصبر الصبر الصبر
واكثري من الاستغفار
والصلاه على النبي وبتشوفين
الرزق يركض وراك
وبالنسبه لموضوع القرض افضل لكم
ان البنك ماعطاكم
ترى القروض تمحق البركه من الراتب
مهما كان القرض
لابد من وجود شي من الربا فيه
ترى البنوك نصابين يقولون قرض اسلامي وهو ربوي لكن بلف ودوران
حسبي الله عليهم
والله ما نزلت علينا البركه الا لمن سددنا القرض اللعين
الله لايبارك فيه
كان يجي اخر الشهر
وناكل جبن وعيش
الحمد لله
ولو انكم محتاجين ليه ماتسووون جمعيه افضل لكم من القروض
وسلامتكم
|
الله يجزاك خير على كل كلمة كتبتيها (والله يسمع منك) تدرين انا دايم اصبر نفسي وزوجي بذا الكلام بخصوص موضوع الحمل بس والله ياأختي مو بيدنا احساس صعب يفهمه إلا إلي مجرب شي يكسر القلب (الله كريم)
وبخصوص موضوع البنك أحنا وقتها كنا بحاجة فلوس عشان نسوي عملية حمل مساعد(الحقن المجهري) أضطرينا وإلا أقسم بالله ماجابت لنا المصايب إلا القروض والبنك ماأعطانا والعملية ماسويناها صحيح زعلت لكن قلت الخيرة فيما اختاره الله
بس إلي زعلني ليش مضيقين على القوات البرية (وأصلآ رواتبهم أدنى رواتب) مو كفاية!!!
وأنا والله حفيت عشان ادور وظيفة من دون فايدة حتى شغل بالبيت اشتغلت (كنت اسوي أبحاث لطالبات المدارس والجامعات) لقيت نفسي بالأخير أخسر ع الفاضي كثير نصبو علي وماأعطوني حقي لقيت جهدي وتعبي وسهري راح كذا وظليت أطرد وراهم على مبلغ مايذكر وحقي عند الله ماراح يضيع وتركت الشغلة لأني ماأستفدت منها ريال غير قهري بس
موضوع الجمعية جربناه وياليتنا ماجربناه عندنا ناس هنا ماتلتزم ياخذ حقه وعند غيره يماطل فصارت مشاكل فقلنا الاسلم ماعاد نعيدها (لاتصير قطيعة رحم بسبب فلوس)
شوفي يالغالية صعب الواحد يمشي حياته إذا كانت عنده مسؤليات متعددة والراتب الصافي منه لايذكر (مصاريف بيت..أجار...أهله....أخوه....علاج...سيارة...ساهر... .زوجة رغم إني مو متطلبه أبدآ بس هو لازم يعطيني مايرتاح وأنا أخبيها لكني القاها بالأخير تطير )
ماأقول غير الله يفرجها