بناااات افهمو بليييييييز الردود واضحه

اللي حضرت ومهي مسجله بالموقع لازم تسجل وتروح على اساس البطاقه اللي معاها
هوا في يوم الاحد وهذا للي حاملين البطاقه الزرقاء وفي بطاقه وردي وفي اصفر هذي ليوم الاثنين والثلاثاء

يعني اللي ماحضرت ومامعاها البطاقه مستحيل تقدر تدخل

والموعد من الساعه 9 الى الساعه 2

الوقت مفتوح قدامك تقدري تدخلي على الشركة اللي تبينها او عليهم كلهم براحتك

ولاتنسو ملفاتكم مع نسخ من السيره الذاتيه وهيا اهم شي شي وكمان عشان تكون ملفاتكم كامله لاتنسو على اختبارات القدرات اللي هوا موجود على موقع صندوق التنميه اللي قالتلنا عليه في البرنامج الارشادي اطبعيه بعد ماتجاوبي على الاستبيان لانو راح يفيدك كثير ويساعد على مساعدتهم لاختيارك

وكل اوراقك تحطيها بالملف الشفاف اللي بريال هذاك اكيد عرفتووووه اللي ايام الدراسه نحط فيه التقرير الشهري

يعني اشترو 15 وكل ملف حطو فيه نسخ من كل شي من اوراقكم

بس انا على مااعتقد انو ماراح تحضر على قولهم 20 شركة كالعاده دايمن يقولو كذا بس يحضرو بالكثير 8 شركات

بس انشالله يحضرو على الاقل 10 او 15 شركة

وعلى موضوع المسار الثاني انا سمعت الاستاذه تقول انو اللي ماتبغى هذا المسار اللي هوا يوم الاحد والاثنين والثلاثاء لانو فيه ممكن رجال في بعض الشركات اللي تعمل مقابلات وممكن تكون الشركات مختلطه في هذا المسار وانا سمعت انو في بنات كانو مايبغو

فالاستاذه قالت انو قريب جدا حيكون في مسار وظيفي وحيكون نسائي 100 %

بس اللي حابه المسار الوظيفي النسائي تسجل اسمها بره عند الباب ورقمها عشان نكلمكم ونقولكم متى بالضبط فأنتو ارسلو ايميل احسن ولا تنسو تسجلو بالموقع تعبو كل بياناتكم

عشان لمن ترسلو الايميل للموظفه تحطو رقم السيره الذاتيه

وانصحكم ترسلو اكثر من مره على الايميل عادي اللي يبغى الشي يرسل ويهتم لا تيأسو

saudization@jcci.org.sa

هذا الايميل

وانشالله يااخواتي اكون افدتكم بردي على الموضوع واتمنى انكم ماتستعجلو اقرؤو الموضوع والردود كامله مو بس الموضوع وتحطو سؤالكم

لانو الاخت صاحبة الموضوع مشاء الله كفت ووفت وردودها واضحه

وانشالله اكون ساعدتها

واتمنى انكم تدعولي معاكم