اقتباس:
المشاركة الأصلية كتبت بواسطة حلم حياتي اتوظف
ايه ايه ايه ما راح اتكلم عن نيتك او هدفك من الدفاع عنهم لكن الي يده في المويه مو زي الي يده في النار ..
اثبت لي انهم مو حراميه واثبت لي مين ورى بناء المخططات الي في الاودية والناس تدفع وما تعرف انه وادي ويوم يجي المطر يتحول لنهار جاري مين الحرامي الي بنى المخطط ومين الحرامي الي سوق له ومين الحرامي الي اقنع الزبون ان المخطط راقي ومتوفر فيه كل الخدمات واخفى معلومة ان المخطط مبني على وادي ..
الحراميه الي اتكلم عنهم انا هم الي لا جيت تبيع ارضك خسفو في عيوبها وانا سويت تجربة مع زميل عمل حيث عرضت ارض لي للبيع على عدة مكاتب وخليت زميلي يروح لهم ويطلب ارض في نفس المنطقة العرض الي جاني من المكتب والعرض الي عرضه المكتب على زميلي فيه فرق 50 الف ريال .
ما دمر الشباب الا انتم يا اهل العقار الواحد عشان يتملك بيت يبغاله نص مليون ياخذها قرض ويسددها طول حياته بسبب سرقتكم الله ينتقم من الحراميه
|
هههههههههههههههه
ما شاء الله تعلم النيات
اعوذوا بالله
ياخي انا اشتغل في العقار (ابيع واشتري)
ولا لي دخل في الزبون الا في كتابة العدل
و اواجه ناس كثير من اهل العقار من تجار ومن مكاتب
نعم فيهم نصابين مثل اي تجارة في الحياة
لكن نسبة 99٪ هذي تدل على جهلك في العقار وفي امور الحياة بشكل عام
لان ما فيه انسان عاقل يحكم على ناس بالنصب
وهو ما واجه الا 1٪ منهم
ارتفاع العقار مو بسبب التجار
ارتفاع العقار لان ما فيه نظام يحمي المشتري ويوقف التاجر عند حده
وعلى فكره انا من الناس اللي اتمنى ينزل العقار السكني لان مالي فيه ولا قطعة
كل شغلي في الاراضي الزراعية خارج المدن
نصيحة اخيرة
اتمنى ترتقي بتفكيرك ونظرتك للأمور
خل نظرتك شموليه مو بس في العقار في جميع امور الحياة
وانتبه انتبه انتبه انك تدخل في ذمم الناس نصيحه من اخو لأخوه
موفق