تحكي لي صديقتي

ان واحد من معارفهم ثري ولديه عماره مكونه من طابقين ونصف دور

العماره قديمه ومكانها خلف محلات قطع غيار سيارت وورش يعني صعب جدا ان تكون سكن لعوائل
وكان الرجل الثري مهمل العماره وفاتح بعض غرف الدور الاسفل مخزن لقطع الغيار وبقة الغرف مهجوره لا يسكنها سوى العناكب والحشرات

عرض عليه واحد من اقاربه ان يستاجرها بــ 1000 ريال الشهر ضحك وقال العماره تعبانه ما تنسكن كل شي فيها خربان
رد عليه عادي انا ابي استاجرها منك وارممها واسكنها انا وعيالي بدل البهذله كل شهر واحنا كل شهر في بيت ذبحنا التنقل وابي استقر
قال لا خذها بــ 800 ريال وثلاث شهور مجانا بدون ايجار
قال له ابي عقد 10 سنوات ما تخرجني منها واسوي فيها اللي ابي
قال له خذها بدون عقد يا بن الحلال اساسا انا ما ابيها ولو اني فاضي لها كان هدمتها لاني اخاف ان تكون وكر لتجمع الشلل فيها
رد عليه لا ابي شغلي يكون نظيف وانا ابي ارممها واتعب عليها والدنيا فيها حياة وموت
وبعد الحاح من الرجل وتعجب من الثري
وافق ووقعوا العقد بمده 10 سنوات وله كامل الحريه يفعل بهما ما يشاء بدون ان يرجع للمالك
واليوم الثاني قدم على قرض من البنك
واتفق من مقاول يرممها له ويظبط السباكه ويصبغها له ويدفع له حين نزول القرض
وباقل من شهر ونصف والعماره كانها جديده
طبعا فتح فيها وهدم وغير وبدل وفتح المطابخ وقلبهم غرف
وصار عنده 18 غرفه جاهزه
وحط بكل غرفه مغسله ومرحه شفط ورف حديد مقاس متر وبارتفاع ثلاث امتار جنب المغسله
يعني جهزها لسكن العمال وكل ما شافها العامل تحطم عليها

عرضها للاجار كل غرفه بــ 500 ريال
وصار العمال يتفقوا مع معارفهم يقطوا ويستاجروا غرفه وعليك الحسبه

عرف صاحب العماره عن الموضوع بغى ينجلط يقول كيف راحت علي الفكره


انتهــــــــى

بالتوفيق للجميع