بس حبيت اقول لكم شي مهم انا ماقد سويت مقابله شخصيه لكن درست مادة بالكلية عن هالامور

شوفوا ياجماعة بالمقابله الشخصية الاجابه مو مهمه المهم هو ثقتك بنفسه وطريقة اجابتك يعني لو انسئلت سؤال
وانت ماتعرف الاجابة وقلت له امممم مادري هذي لها دلالات اما لو قلت .. بكل صراحه ماعندي معلومه هذي لها دلالات
واذا سكت هذي لها دلالات فالمهم هو شي واااااااااااحد
انك تكون واضح وتدخل عليهم دخلت ملك ماتكون سريع بالخطوات ولا بطيىء ولاتتردد بالكلام او تتلعثم حاول تضبط امورك
قل بينك وبين نفسك انا بدخل انسان جديد واذا طلعت باخذني قبل اطلع

وللمعلومية المقابلة الشخصيه مهمه جداً جداً جداً جداً جداً يعني حتى لو كن شخص عنده دورات ومعدله ممتاز واخفق بالدوره
وجا شخص مامعه دورات ومعدله اقل بس بالمقابل شافوا انه واثق من نفسه ووقفته وقفت رجل له كاريزما تكون له الافضليه لإن هالقطاع يبي ناس سريعة بالبديهه ويبي له ناس مطلعه على كل شي خصوصاً السياسة

حاولوا اذا سئلوكم عن الارهاب انكم تقولون اجابت توحي لهم بالتفائل مثلاً تقول كنت اسمع بشي اسمه ارهاب بس ماقصر الامير نايف بن عبد العزيز
او قل ان الارهاب آفه اقل من انها تقابل بموقف محترم مثل هذا واذا سئلك عن القاعده قل له متطرفين شاذين ما يمثلون الا انفسهم لطخوا وشوهو الاسلام