السلام عليكم ورحمة الله وبركاته

أهلين وسهلين أخواتي العاطلات,,,

عندي فكرة ممكن تتسلون فيها الين مايفرجها الكريم وتجيكم الوظيفة اللي تتمنونها إن شاء الله

هي فكرة للكسب المادي جديدة سهلة جدا وبسيطة جدا

فكرتي انه يكون فيه مجموعة من البنات عندهم افكار يبغون يسوقونها

ويسوون لهم بازار في بيت وحدة منهم ,,

وتجمعهم وحدة من البنات في بيتها وتجيب لهم طاولات وتحطها في ساحة بيتها

وتأجرها على البنات,, مثلا تجيب الطاولة من محل بـ50 ريال وتأجرها على البنات بـ 100 .

وكل بنت إستأجرت طاولة تجيب بضاعتها وتعرضها للبيع

طبعا كل وحدة توجه دعوات لقرايبها ومعارفها لحضور البازار

ويسوون البازار مثلا مرة او اكثر بالشهر اومرة بالشهرين

على حسب مستوى الإقبال على المشروع .

طبعا هناك قواعد يجب مراعاتها لــ إنجاح هذا المشروع

_ إختيار أشياء نادرة ومتميزة لعرضها للبيع

_ ان يكون المكان مرتب ويفتح النفس

_ توجيه الدعوة للزائرات اللي فيه أمل منهم يتفاعلون مع المشروع

واللي تحسون بس بيتفرج مافيه داعي يسوي زحمة .

أفكار ممكن عرضها في البازار:

أواني منزلية , إكسسوارات , ملابس , مأكولات ,..... الخ

واللي عندها إستعداد تسوي مثل هالفكرة أنا مستعدة أرسل لها بنات

يسـتأجرون من عندها أماكن .
.
.
.
.
.
وأخيرا ماأستغني عن رأيكم وتعليقاتكم

لأني بصراحة مقررة أسوي هالمشروع ياليت ما تحرموني من أفكاركم عشان يستفيد الجميع
....