اقتباس:
المشاركة الأصلية كتبت بواسطة الدكتور حمود
يا ابن الاثير
هدي الرمي شوي
واسمع مني
يا انا مخي مقفل يا انت مخك مقفل
اولا كل القررات الخاصة بنطاقات تصب في مصلحة العاطل عن العمل
تقولي شلون
اولا الشركات الكبرى والمتوسطة اللتي بالنطاق الاحمر او الاصفر ملزمة بتوظيف سعودي يعني بالمختصر راح يكون السعودي بالقطارة وراح يرتفع سوقه وراح يصير هو من يتحكم براتبه
ثانيا الشركات الصغيرة و المؤسسات الفردية والمحلات العادية البسيطة ما قالوا لك رح سكر محلك مالك شي عندنا ,, لازم توظف سعودي
لا يا عزيزي
الله عرفناه بالعقل
يعني مومعقول ابي افتح حلاق ومغسلة واجيب سعودي يحلق ويغسل
صح
طيب وش الحل
الحل انك تسجل اسمك في التأمينات على انك انت صاحب الحلال وانت تديره وانا اضمن لك يعطونك 18 تأشيرة والله لو انك ماهو تفتح منجرة لو تفتح شركة مناجر واخشاب
والفائدة من ذلك انه يتم احتسابك انك غير عاطل
ولا هو من المنطق انك تعمل في قطاع خاص وتستلم راتب وقدرة وتبي تفتحلك محل ولا تسجل اسمك فيه
وبعدين انا قرات جميع الردود من اول صفحة
سؤال اتمنى انك تجاوبني عليه بكل صراحة
علشان احدد من منا اللي مخه مقفل
ولك مني لاجاوبك بكل صراحة
هلى انت تعمل يعني على راس العمل يعني مسجل بالتامينات ولا لا
يعني رد علي بنعم او لا فقط |
لا تتعب نفسك وتفكر مخك مقفل
انا اشتغل اعمال حره وعندي محل ثاني صغير ومسجل فيه في التأمينات ودخله ضعيف وحاب احسن من دخلي عندك مانع اعتقد انك بتقول خليك في محلك وانا بقولك انشاء الله ما اكون مضايقك في رزقك
بكره تكبر وتتزوج وتأجر لك بيت وتشوف كيف تعيش في زمن الغلاء اللي عايشين فيه
انت تقول :
( ولا هو من المنطق انك تعمل في قطاع خاص وتستلم راتب وقدرة وتبي تفتحلك محل ولا تسجل اسمك فيه )
وانا اقول لك :
لا تصير انسان حسود وبعدين وين القطاع الخاص اللي يعطيك راتب وقدره ....
يا اخي تمنى الخير لغيرك كما تتمناه لنفسك يوفقك الله ومن راقب الناس مات هما
ولا تتعب نفسك وتفكر مخك مقفل .