الله ثم المليك و الوطن
يا بلادي ودي اكتب عن بلادي
بح صوتي ... وأنا أصوت لك وأنادي
يا بلادي ....ودي أكتــب عن بـلادي
قــال من فينا بـلادك يامحمد
أسألك باللي ذكر: قل ياعبـادي .
وأبتديت أذكر علم داري وأخيــله
فالسمـا وإن شاغبته الريح هـادي
مايــلام إن ماتأثر بالعــواصف
لان كله عزه و صدق و مبـادي
وأتذكر كل شــبرٍ في ثــراهـــا
وكل .ضـــلع وكل .خـــد وكل .وادي
والبياض اللي طغى في كل أهـلها
فالقلــوب وفالوجـيه والأيـادي
وأتذكـــر وجه أبو متعب و دمعه
كيـف سال لحـزن طفل إنسان عادي
وكيف خــلانا بدل شعب و قيــاده
تحت ظـــله كـــلنا شعـــبٍ قيـادي
وكيف كنت أحــــنّ فالـــغربه لداري
وكيف أعـاف فـ بعدهـــا شربي و زادي
ماشعــرت إلا وأنا أقبـل ترابك
يالسعوديه وأصوت لك وأنــادي
يابعد كــل البلاد ومـــن سكـــنها
يابلادي يــابلادي .....يابــلادي.