سبحان الله كان عندي حلم اني اتمكن ادخل مدرستي اللي درست فيها ابتدائي ومتوسط وثانوي واصورها

والحمد لله لقيت من حقق حلمي وصور المدرسة

انا تخرجت من قبل 10 سنوات,, والمدرسة هذي درست فيها امي ههههههههههههههههه

اترككم مع الصور بس قولوا ما شاء الله"العين حق" لا تجينا هزة ارضية ونروووووح فيها
هذا الله يسلمكم فناء المدرسة



وهذا الله يسلمكم غرفتين بالفناء مصممه وفق احدث المعايير الاولى مقصف المدرسة والثانية المكتبة


المكتبة عن قرب لاحظوا كيف ارتدت المكتبة ثوب العلم



هذا داخل احد المباني "المبنى الاول للمدرسة وهذا المبنى الدور الارضي منه تم بناءه بالحجر ومن ثم ترميمه وتلييسه بالاسمنت والاحلى من ذلك بناء دور ثاني عليه " ملاحظة تم تجديد المبنى واضافة البلاط خلال دراستي ما كان فيه بلاط



وهذي اتوقع غرفة الوكيلة



وهذي صورة من داخل احد فصول المدرسة الذكية لاحظوا الارضية المقاومة للحريق



وهذا الدور الثاني للمبنى والصورة تتحدث


وهذي صورة ايضا ولاحظوا الابواب الحديد قلت لكم مصممه ضد الحريق



وهذا السقف معتق طبيعي وممكن يصير شلال كمنظر جمالي في موسم الامطار



وهذا المعمل والله اني باقي اتذكر الهيكل العظمي واللي معاه من كنت برابع ابتدائي وهم موجودين هههه ,, بس لاحظوا عمق الشباك عشان تتاكدوا ان المبنى اساسا مبني بالحجر




وهذي دورة المياة وانتوا بكرامه كان ممنوع يدخلوا الطالبات فيها لانها vip ومخصصه للمعلمات



وهذا كان مطبخ بس ترقى وصار فصل ,,, لاحظوا صنبور المجلى بآخر الفصل اسم الله عليه كبر وصار يدرس مين قده



وهذي غرفة المعلمات كل معلمتين بمكتب هههههههههه



وهذي صورة للفناء لكن من زاوية اخرى بس لاحظوا اللوحات وحدة "انا وطني "هههههههههه
والثانية اتوقع مكتوب" انتن امانه في اعناقنا " هههههههههه
طبعا هذا المكان المرتفع اللي قدام الباب هو مسرح المدرسة المطور



المدرسة فيها ما يقارب 300 طالبة,, ابتدائي ومتوسط وثانوي ,, المدرسة باكملها مافيها مكيف واحد ولا مروحه السبورات مثبته على الطاولات بعض دورات المياة تم استخدامها كمخازن الله يكرمكم وما خفي اعظم ,,,

وتقولوا مافي فقر ,,, مافي فساد ,,, مافيه رشاوي ,,
وما اقول الا حسبي الله ونعم الوكيل
تخرجت من هذي المدرسة بامتياز وانا في طريقي لاكمال دراساتي العليا
لكن كل ما اتذكر انو باقي فيه طالبات بهذا المبنى احزززززززززززززن

مثل ما خبرتكم انتوا بالسعودية بالباحة بلجرشي تحديدا, يعني سعوديين
مو لاجئين

وهذا مصدر الصور
http://albahatoday.cc/news.php?action=show&id=8694