اقتباس:
المشاركة الأصلية كتبت بواسطة حربي كاش
بسم الله الرحمن الرحيم
السلام عليكم ورحمة الله وبركاته
يا شباب بخصوص تقديم الجويه عندي كم سؤال وياليت تفيدوني
الحين المرجعات الي بالتقديم الي هي مطابقة الاوراق والكشف الطبي والى اخره. بتكون في الشرقيه او في الطايف
والدوره هل يوجد دورات للجويه في الطايف
وياليت تعطونا رايكم في القطاع بكل صراحه
وسامحونا على الاطاله .  |
وعليكم السلام ورحمة الله وبركاته
بالنسبه للمراجعات والكشف الطبي راح يكون حسب القاعده اللي تتبع لها الوظيفه اللي انت مقدم عليها
يعني مثلا قدمت على الرياض راح تراجع بالرياض
قدمت بالشرقيه راح تراجع بالشرقيه
لكن فيه نقطه مهم حطوها ببالكم
فيه اماكن زي المفارز تكون بعيده عن المواقع اللي تتبع لها
وهذي راح تكون مراجعتها بالقاعدة الاساسيه اللي تتبع لها الوظيفه
يعني مثلا واحد قدم على وحدة امن مطار الامير محمد بن عبدالعزيز الدولي بالمدينه المنورة !!
هذا راح يسوي الكشف الطبي والمراجعات بقاعدة الطائف لان مطار المدينه تابع لقاعدة الملك فهد بالطائف ،،اللجنه راح تكون بالطائف .
اتمنى تكون وضحت الصوره للجميع
وبالنسبه للدوره راح تكون بالطائف
جميع دورات التجنيد الخاصه بالقوات الجوية ما تعقد الا بقاعدة الطائف
لان مافيه الا مركز واحد لدورات التجنيد وهو بالطائف وجميع المتقدمين للوظائف بكل المناطق
راح يتجمعون بالطائف مكان عقد الدورة
والقطاع حلو ورواتبه حلوه
ويكفيك ان كل أماكن العمل بمناطق كبيره مافيه تعيين بأماكن بعيده عن الناس والعالم او ديره صغيره
واهم شي انك تعرف وين بيكون تعيينك من البدايه مو مثل باقي القطاعات تجلس محتار وعلى اعصابك ما تدري وين بيحطونك ، هالقطاع انت تختار وين تبي وظيفتك وتتعين بالمكان اللي اخترته.
بالتوفيق لكم جميعا