المشاركة الأصلية كتبت بواسطة عسسسوله

ياليتني بدبي ولا من العين
..وأبوي راشد وأسمي أنا خليفه


ماشفتني ياسعود ميت من الدين
.. لا حافز جاني ولا لي وظيفه


ماشفت من داري بحياتي أنا زين
.. الخير واجد مير حاله كسيفه


من الفقر نروح لأبو ريالين
..والبطن مدمن فول ويا رغيفه


من الفقر ماعاد جبنا وراعين
..ماله مستقبل وحياته مخيفه


مابه وظايف ولابه راتبن زين
..وعقولنا من الهم صارت خفيفه


حتى الحفايظ مع حليب البزارين
ي .. رفع به التاجر علينا بكيفه

وعيوننا تناظر يسار مع يمين
خليجنا نشوفه بحاله مريفه

دايم زياده مع علاوه وتأمين
وعيشن رغد ويا القصور المنيفه

وحنا بغلا العيشه صرنا فقارين
كلن علينا سل رمحه وسيفه

والله لو حنا حمير وبعارين
يمكن نعيش بظل عيشه شريفه

يادار مهو حق منك تجازين
عيالك اللي نياتهم لك عفيفه

نحمي ترابك من جميع المعادين
من دونك الموت ما والله نعيفه

وإن كان يادار للعلم توحين
ترى صرنا لغيرنا نكته سخيفه


صـــــــــح إلســـــــــــــــــــــان قايلهــــــــــا