شوفي يابنت الحلال ودي أقولك على شيء
قبل لا تروحين عند أي دكتور لازم تعرفين هالدكتور كيف هو دكتور ممتاز ولا لأ ؟ المستشفيات الحكومية و الخاصة ترى الدكاتره اللي فيها مو بشرط يكونون دكاتره شاطرين كل دكتور و يختلف عن الثاني فيه بعضهم دكاتره فعلاً حريصين و يؤدون عملهم 100% و فيه دكاتره أخطائهم الطبية كثيرة و بالذات الدكاتره اللي في المستشفيات الخاصة بعضهم ما يهمهم غير الفلوس فيعطيك أي علاج أو أي نصيحة و يعمل في أسنانك " مقاولات " من راسه لين من يشوفك يخترع فـ " أنتبهي " حافظي على أسنانك من أي دكتور ما عنده خبره زينه ولا تصدقين أي دكتور ....
صحيح إن مو كامل غير وجه الله تعالى لكن لابد الواحد قبل لا يروح لأي دكتور يسأل عن الدكتور الممتاز لأن هالأسنان ما تتعوض بالإصطناعي ولا ننبهر بجمال الأسنان بقدر ما نحافظ عليها بإننا ننظفها كل يوم و إننا نحافظ على جمال أخلاقنا و أرواحنا و طيبة قلوبنا مع الناس

نصيحتي لك قبل لا تروحين عند أي دكتور أسنان روحي لدكتور كبير و خبره في هالمجال ولا تعملين أسنانك عنده بس خذي إستشارة طبية وشوفي وش يقول لك و وش اللي ينصحك فيه ... جربي روحي للدكتور اللي في المستشفى السعودي الألماني اللي في منطقتكم أو القريبه منكم ...... هو ممكن صحيح غالي بس على الأقل تضمنين منه نصيحة طيبة و صحيحة إن شاء الله
تدرين ليش قلت لك لا تسوين أسنانك عنده ؟ لأنه غااالي فعشان كذا قلت لك خذي من عنده إستشاره و بعد كذا أطلبي منه يدلك على دكتور أسنان سعره معقول و هو يثق فيه لو هو يعرف


أتفق مع وجهاوية بس إنت الظاهر لو في راسك ألف سيف إلاودك تسوين أسنانك
ديري بالك على حالك و على أسنانك تراها هدية من الله لك