السلام عليكم ورحمه الله وبركاته
بجرد لكم افكار
يمكن يلقى احد من هالمشاريع مكسب ويدعي لي
بالتوفيق والسداد
عندي مشروعي الخاص وبعرضه بموضوع مستغل اليوم للراي
المهم
ببدى بالمشاريع بدون راس مال
وبعدها الي راس مالها بسيط
اولاً [ وسيط مال ]
هذي يبيلها رجال متحرك
وسيط بكل شي
اولا شي ابدى بالعقار لاقي اعلان بارض قيمتها 15000 سوي اعلان بالنت عبر المنتديات وخاصه مواقع العقارات ارضقيمتها 15000 + عموله 1%
بتقول قليل اقوللك لا مو قليل ولا تطمع
مكسبك من هالحركه بس 150 ريال
150 ريال وانت منبطح على النت !!
بعدها خش على الثقيل روح للمعارض شوف اسعار السيارات ومر على كم معرض وقول انا اجيب لكم سيارات
سو اعلان بوسيط مطلوب سيارات وحدد النوع والمديل واكتب بحدود كذا وكذا
طبعاً
لو قال لك صاحب المعرض جيبكامري وباخذها 30 الف
قول محتاج كامري مديلات .... بحدود28 الف !! باي مكان نجيبك
وظروري
مو تشترط المدينه
روح ياكثر الكداده ^^
مكسبك 2000 ريال
وبعدها خش على الي اثقل
افتح الجريده بتلقى اعلان عن مناقصه !! مثلاً بمدينة جده بناء غرف لطالبات الجامعه قيمة المناقصه 900 مليون !!
تروح للشركات الضخمه عندي لكم مناقصه بكذا ونسبتي مثلاُ 1%
لورست عليهم المناقصه بتلهط 9 مليون من وراهم !!
مشروع [ الجوائز ]
مشروع غريب ويمكن ماحد فكر فيه
ياكثر ماتشوفون شارك وقد تربح !!
ممكن تسوي مصلهم بس بدون نصب طبعاً
تروح لشركة الاتصالات تقول عندي مسابقه وابي رقم خاص للمسابقه ولكم نسبه 5% بيقولون نبي 20 وبالاخير بتتفق معاهم على 10%
نروح لاي جريده وهذي يبي لك شوية لسان معسول !!
تقول لهم عندي مسابقه وابي تمولون اعلاناتي ولكم نسبة 5 بالميه
تروح لشركة الـ LG وتقول لهم نفس الموضوع ولهم نسبه معينه نقول 5% ايضاً
تبدى بالاعلانات
عارف كم بتدخل !!
اقل شي اقل شي 60 الف
الادوات المنزليه من LG
5 الالف
يبقى معاك 55 الف !!
بالنسبه بياخذون منك11 الف
يبقى بجيبك 44 الف
سهله ولا صعبه
يتبع طبعاً
[اصابعي تعبت شوي واردلكم واكمل المشاريع ]
