اقتباس:
المشاركة الأصلية كتبت بواسطة مجوودي الحربي
بسم الله الرحمن الرحيم
السلام عليكم ورحمة الله وبركاته
يا أخواني يوم الأحد طال عمركم شديت الرحال من المدينة إلى الرياض
بعد طول إنتظار قلت مالك ياولد إلى تروح بنفسك وتستفسر المهم وصلت الرياض
وعلى حي السفارات الساعة 8:00 ص مسكوني عند البوابه عسكر بالأمن الدبلوماسي
أخلاقهم عسل سألتهم قالوا هنا قوة منطقة الرياض بس ماهي إدارة الأمن الدبلوماسي لكن
إدخل وتأكد الحي كبير وسألتهم عن الموقع بالظبط قالوا الدوار السادس إدخل يمين مبنى القوة تلقاه على يسارك
وصلت سألت العسكر إلي هناك قالوا هنا ماراح أحد يفيدك
روح إدارة المرور؟؟؟؟ قلت له ليه قال هناك يفيدونك ورحت الوشم وأتوه يمين في يسار
إلى أن وصلت مبنى طول بعرض مكتوب عليه إدارة المرور
المهم دخلت وتفتشت وسجلوا إسمي ورقم جوالي بالنظام وأنا أقول في قلبي هذا كله
عشان إدارة المرور وسألته وين الأمن الدبلوماسي قالي روح مبنى قوات الطواري
الخاصة رحت سألت الحراس على البوابة قال إطلع الدور الرابع على يسارك إدارة
الأمن الدبلوماسي وطلعت وصلت للحبايب ياكثرهم قلت أبغى أستفسر عن الدورة (10)
قال هنا ما أحد يفيدك ياولد قالي لكن إنزل تحت في مبنى على يدك اليمين يداوم فيه
العميد/غانم السحيباني رحت وسألت عنه قالوا موفيه إدخل وإسأل الرائد/سعد
دخلت أسأله رجل في قمة الأخلاق والتواضع سألت عن مكان الدورة قالي في
مكة وموعدها قال خذ رقم جوالي وكلمني بكره وأخذ إسمي وخرجت من عنده على مدينة التدريب
وسألت الشيخ/عبوووووود خوينا قالي في مكة رح بس رح  ورحت
ورجعت المدينة والخط من الرياض للمدينة أمطار ولله الحمد ثاني يوم دقيت على الرائد/سعد
قالي والله اليوم ما داومت بسبب المطر دق علي السبت والسبت
إن شاء الله يفيدني
دعواتكم |
السلام عليكم ورحمة الله وبركاته
صباح / مساء - الخير ياشباب اليوم كلمت الرائد/سعد
وقالي أنا قبل قلت لك إن الدورة في مكة لكن مو أكيد
ولا أحد يقدر
يفيدـك بمكانهـا لأن المقابلات الشخصيـه ما بعد إنتهت ومكان الـدورة
حسب الفراغ بمراكز التدريب بمكة والرياض والشرقية بالنسبة لموعد
الأسماء هي في نهاية الشهر لكن ماأقدر أحدد لك يوم . يعني ما
عنده علم يفيدنا ما لنا إلا الإنتظار كما كنا والله يا شباب لو
أقدر أسوي أكثر من كذا كان سويت لكن هذا إللي أقدر
عليه سامحوني خليتكم تنتظروا ولا أفدتكم
دعواتكم