نبدى بسم الله



1- سعر البيع ماتحسونه كبير ولا كويس ؟
لا ابد وانا اخوك اذا على كلامه باليوم 3000 الى 4000 بالشهر بتدخلين من 90 الف الى 120 الف

2- تنصحوني اشتري واتوكل على الله ؟
اكيد لانه بخلال شهرين انتي بتردين الي دفعتيه وانتي تضحكين ^^

3- كيف اعرف ان دخلها فعلا 3000 الى 4000 ؟؟ حطوا ببالكم انا سيده وصعب اراقبه واعرف الدخل بهالطريقه .. ولا لي حد يشوف لي
بفواتير الشركات لو فواتيرها بالشهر كثيره بين 90 الف الى 120 الف فتاكدي انها تدخل 3000 او 4000 يومياً

4- بي اجيب عامل سوداني كم اعطيه راتب وهل اكله وشربه علي؟
لا مانصحك شوفيلك هندي او بنقالي هو بيسرقك الا لو طحتي بابن حلال بس بيشغل لك البقاله

5- بحط كيرات مراقبه فوق الكاشيير عشان النصب وكذا ؟ وش رايكم
انتي احسن نفره بالدونيا

6- ابي نصايح بخصوص ضماني لحقي من البائع وكيف اضمن عدم سرقتي ؟
عقد باي مكتب محامي او اي محكمه بشهود

7- كيف احاسب السوداني ؟ يوم ورا يوم او شهريا ؟
شهرياُ غلط يوم ورى يوم ولا ماراح تحسين بالمكسب وبكذا تضغطين العامل خليه على راحته

8- ماهي الشروط اللي اكتبها عليه بالعقد بحيث اضمن حقي في حال اختلاس او شي؟
ووش احاول امسك له عندي ؟
شوفي وانا اخوك قبل العقد اشترطي تشوفين الفواتير حقت الشركات واحسبيها وبعدين كلمي لك اي محامي يسوي عقد مايخرش الميه


9-ابي نصااااااااااااايح بليز احس المشروع بيمشي انصحوني بخبرتكم
والله خبره ماعندي لكن تبين نصحيتي البقاله يبي لها رجال يتابعها اذا بتمسكينها بنفسك بتنسرقين غير انه لازم متابعه بشكل مستمر على البضائع الي منتهي تاريخها علشان وجع الراس وانا اخوك غير البلديه تطب فجأه غير اي شكوى يجرجرونك على خشتك بالقسم ففكري فيها زين شوفي اي قريب لك يمسكها


10 - كيف لو بغيت اجيب خضار وفواكه ومخبز بنفس محلي ؟؟ من اكلم وكيف اجيبهم ؟
هذي يجي من يفيدك وانااخوك بس تبين نصحتي خليه على بقاله لو مبدئياً


وسلامتكم ... بالله انا اختكم في الله ماابي اتحسف واخسر ...

مابتخسرين باذا الله استخيري قبل كل شي وتوكلي على ربك وبالتوفي وانا اخوك

نصيحه

نزلي باسعار المواد الغذائيه لو قليل علشان تربين زبائن ^^