اقتباس:
المشاركة الأصلية كتبت بواسطة عاطل صافعته دنيا
يابن الحلال أنا لي 4 سنين عاطل ونفس حالتك ولا اقوى من الي انت فيه قسم بالله لا من جهة ابو ولا اهل لكن عسى الله يعيييييين ، لاتعطي الشي اكبر من حجمه ، وانبسط وفل حجاجك ودور لك وظيفه في اي قطاع مدني حتى لو شركه .. لو لو ايش ، تبي تحصل لك .. لكن خذها نصيحه وقاعده ( لأتفكر في الشي البعييد مثل - زواج - فتح بيت ) هذي فكر فيها بعد ماتضمن نفسك صح ، وتجيب لك راس مال وفييييييير فكر فيها
أعرف لك ناس بلا وظائف قسم بالله اطنخ من ايش وعايشين احلى عيشه ، وكله على تعبهم
اعرف لك واحد يبيع تمر !!! اقسم بالله فتح ل اخوانه بيوت ، وشراء ل عيال اخوانه سيارات ول اخوانه الي اصغر منه وتزوج واشترى بيت عالمي ، كله على حساب التمر ( وقبل كانو اخوانه ينادونه ب الضعيف وبالمسكين وبالي مايقدر يصرف نفسه ، اتكل على الله واخذها عزيمه واصرار وبداء في التمر لين طلع تاجر )
|
كل ما حاولت أنبسط مثل الناس أتذكر حالتي وتجيني حالة أكتئاب وأرجع ابكي
وأكون منعزل اغلب الوقت عن اهلي واعصب على اتفه الاسباب
شجعت نفسي يوم من الايام أني أروح أتوظف في القطاع الخاص
لكن لما ركبت السيارة وأنــا ألف على الشركات حسيت بحالة غريبة
وأقول هذه أخرتها أتوظف في شركة ليش ماتوظف في وظيفة حكومية
وأقعد أهلوس مع نفسي وأقول بالفعل أني فاشل في الحياه
أيش موقفي لما يسألوني الناس وين متوظف يابندر أقول في شركة
مادري وأنا أخوك ليش أحس أنها فضيحة خصوصاً أن عمري وصل 25 سنه
وإلى حد الآن ما توظفت في وظيفة حكومية واللي يزيد في معاناتي تصرفات الوالد معي
ياداشر ياسربوت شوف عيال الناس توظفوا وانت زي الحرمه في البيت قاعد
وخذلك من هالكلام
يعني تعقدت نفسياً مايعرف يتعامل معي ولا عنده أسلوب مثل خلق الله
رغم أنه مايقصر معي لما أطلبه فلوس لكن بعد مايكرهني فيها
على طول أروح الغرفة وأقفل على نفسي الباب وأقعد أبكي