وعليكم السلام ..

من ناحية الموقع ، كالتالي :

شفت مدينة التدريب خلها على يمينك و روح وجهك لـ وسط بريدة .. تجيك مصانع تعدها وتجيك اسواق زي البطحـاءء ويجيك دوار صغير وروح سيدة لين يجيك سوق البـأسم ابو خمسة لوحة كبيرة غصبن عنك تشوفها ، بعدها دوار كبيـر اسمه ( الدوار الزراعي ) وروح سيدة بيجيك اشارتين خلـهن الاشارة الثـالثة ( اشارة توكيلات الجزيرة ) روح يميـن سيدة يجيك دوار رح { يمين على حجاجك الايمن ، مب يمين مره ) يجيك دوار ثاني خذ يمين هو بعد بنك ، ساب على اليمين ،

تنبية : أنتبه من ابن الكلب سـاهر موجود بكثرة

بالنسبة للمستشفى ، اول ماتجيهم راح يقولون لك { احجز موعد } وتحجز موعد ويقولك الموظف ، اي يوم تجي ، ثم تمشي سواء ل ديرتك ولا تستاجر وتنتظر ، بعد مايجي موعدك ، تجيـهم وراح يدخلونك داخل ، ياخذون منك دم وبول وانت بكرامه ، ويعطونك ورقة الاشعة ويقولون لك ، روح سو الاشعة في ديرتك أو في أي محل سواء مستشفى خاص ولا حكومي . ويقولون لك { بعد ماتسوي الاشعة تجيبها معك لـ مدينة التدريب تقابل اللجنة الطبيـة ، ودوام اللجنة الطبية ، يوم الاحد والثلاثاء بس .. عاد لاجيت عند اللجنة الطبية مقرها { في مدينة التدريب } راح يسون معك باقي الفـحص { الاذن الحنجرة ، النظر ، التفسيـخ } كل شي باقـي ماسويته .. وخلاص تجي بـ الموعد النهائي اللي عطوك ، تسلم فيه كل شي .. من ارواق وملفات وكل شي ، ومن ناحية الوزن حاول تخفف من وزنك وفيه وزن يتغاضى عنه وفيه وزن وقف خلاص وانت حاول تخفف وصلى الله وبـارك

ودعواتك لنا بالقبول النهائي ..