اقتباس:
المشاركة الأصلية كتبت بواسطة آه يالقهر
مشكوررره وما قصرتي أختي
كنت داخله اكتب الخبر بس كنت متأخره شوي وزين انك سبقتيني
انا من اليوم احاول ادق عليهم والرقم على طول مشغووول
ما ادري هم يقبلون على طول ولا فيه شروط
وفين مقرهم بالضبط
يعطيك الف الف عاافيه اختي
|
ما قصرتي جيتي وجبتي الخير كله
رقمهم صدق مشغووول وبقووووة 
علقي علية راح يمسك معك اسألأيهم عن العنوان راح يوصوفون لك اكيد تبين نصيحتي دقي على قسم الرجال وخلي ابوك او اخوك ياخذ الوصف منهم اسهل
اول ما تدخلين راح تحصلين اصلاً الاعلان في لوحة جنب الباب الداخلي و وحدة جالسة على طاولة تبين تعرفين وش كانت لابسه ههههههههه << صارة سالفة 
المهم اسأليها وراح تعطيك ورقة عبيها بالبيانات المطلوبة
وخذي معك صورة من آخر مؤهل حصلتي علية ابتدائي او متوسط او ثانوي او بكالريوس
المهم اخر مؤهل لكِ وصورة من كرت العائلة بس واذا عندك دورات او شيء خذي منها صور الملف الاخضر العلاقي تري مو لازم لانو راح تاخذ منك الاوراق وتدبسهم مع بعض بس 
المقر حقهم شمال الرياض
قريبة من مدينة الملك فهد للخدمات الطبية
نحنا من شرق الرياض بعد كبري الخليج تكون مدينة الملك على يمناك اول اشارة تعديها والثانية خذي يمين ثم دوري شرك مكتوبة عليها اتربك او ارتيك بازرق هي تصير قبلها في فيلا تري هم بس
دعواتي