السلام عليكم و رحمة الله

اللي صار معي اليوم في الكشف الطبي لوحدات المظليين

مشيت من البيت الساعة 6:30 و مريت رجال مثلكم و شرواكم

وصلنا المستشفى الساعة 7:10 إنتظرنا عند الباب لحد الساعة 8 تقريباً

دخلونا للكشف الطبي .. خلونا ننتظر 5 دقايق و طلع لنا الرقيب المندوب اللي في تجنيد الطايف قال ألحين ننادي بالأسماء و اللي يسمع اسمه يجي ياخذ ورقة الكشف الطبي

المهم بعد ما نادوا اسمي أخذت ورقتي و إنتظرت 10 دقايق و دخلونا على أول دكتور مختص في العظام و العمليات الجراحية قلي ضم ارفع ثوبك و السروال الطويل لحد الركبة و ضم رجولك و سألني قال سويت عمليات في رجلك و لا غير رجلك ؟ قلت له لا .. كتب لي في العظام و الجراحة لايق

بعد ما خلصنا طلعونا ننتظر برى لحد ما يجي دكتور النفسية جى الدكتور و دخلونا عليه يقول قلي السلام عليكم و يحشر لك في الأسئلة قلت له السلام عليكم و مشاني لايق و بعد ما خلصت النفسية على طول دخلونا على دكتور السمع و النطق يسألك كيف حالك طيب وش اسمك و مشاني لايق

إنتظرنا برى لحد ماجى دكتور العيون و دخلونا عليه يجيب لك دفتر فيه أرقام و يقلك كم الرقم اللي في الدفتر و يمشيك على طول ما يقلك غطي عيونك و لا شي

خلصنا العيون على طول على المختبر فحص الدم و البول الله يكرمكم أخذوا دم و عطوني علبة قالوا ادخل دورات المياة و خصلتها

المهم بعد ما خلصنا الفحص و النظر جينا للمشكلة الأسنان جى دكتور الأسنان يخليك تضحك المهم جيت عنده و ضحكت إلا المصري ماله نية يمشيني في الاسنان قلي أسنانك تحتاج تعديل و غرزت فيها

المهم خلصنا الأسنان رصونا في طابور و خلونا نطلع للأشعة تدخل الأشعة و يخليك تنزل الثوب و تجي تحط صدرك على الجهاز

لكن يا عيال و الله العظيم متساهلين لدرجة ما تخطر على البال متساهلين مع الكل
كل دكتور يبغى يمشيك بأي طريقة و ما هم مدققين في اي شيء
لكن خلك معهم محترم يمشونك سلام سلام
هذا علمي مع الكشف الطبي و سلامتكم