بذكر لكم شي مازال عالق في ذاكرتي من ايام الطفولة ومواقفها تقريباٌ وانا في صف اولي ابتدائي.,’ كنت من محبي الرسوم المتحركة وافلام الكرتون وفي نفس الوقت متاثر فيها . كان فيه فلم كرتون يقال له روبن هود ومختصر قصته انه يحب الخير ويسرق من الاغنياء ويعطي الفقراء وكان عندنا ولد في الحارة الله يذكره بالخير .. وضع اهله المادي ردي شوي ومجموع الالعاب اللى عنده مو مثل اللى عندنا .. فكنت اقول عنه انه فقير .. واخوكم في الله متاثر بروبن هود .. فقرررت بعد تفكير عميق اني اساعده واسرق له واعطيه فكرت من مين اسرق .. وبعد تفكير عميق قرررت اني اسرق ابوي الله يغفر له ويرحمه ., وفعلن تمت السرقة لمدة شهرين كاملين وابوي ما يدري كم كنت اسرق منه .. كنت اسرق منه المال بطريقة ذكيه جدا .. كان ابوي فاتح حساب عند الهندي اللى قريب من بيتنا الوقت اللى ما يكون موجود ناخذ من عنده ويسجلها للاخر الشهر .. وانا كل الاغراض اسجلها دين والفلوس اخليها معي كنت احسن واحد من اخواني يروح للدكان لو مئة مرة ما عندي اي مشكله .. اهم شي اسرق من الاغنياء في نظري (( أبوي )).. واعطي الفقراء واشري فيها الالعاب لولد جارنا مسوي فيها روبن هود ع غفله .. والله إني كنت فاغر وبقوه مو براءة .. والولد ملكع ياخذ الالعاب ومستانس الهم ابوي تمشكل مع الهندي .. شهرين والحساب زايد عن حده .. مو معقوله.. وشاف من اكثر شخص يشتري من عنده ما فيه غيري .. طبعا يومها اكلت شي من الدبج الله لا يوريكم .. (( اللى ما يعرف الدبج عآآدي نعلمه )) انواع البكاء وقتها وكسر الخاطر ايامها كنت اقول رح يجي يوم ينتصر الحق فيها.. فاهم الدنيا غلط ..