راح افيدكم بكل شيء حاااليا

الدورة سنه وثمانيه شهور مقسم الى ثلاث اقسسام كالتالي:ـ
ثلاث شهور فرد اساسي.
سنه كامله لغه انجليزيه.
خمسه شهور تخصص بالهنقر على حسب التخصص اللي تاخذه انت.

اللي معاه ثانويه عامه بنسبة 80% عريف فني طيران
دبلوم سنتين فأعلى وكيل رقيب فني طيران

والله اللي يقدم فيه انه يدخل بدون واسطه دام اللغه عنده جيده ثاني شيء اللي عنده عزم واصرار انه يدخل الدوره بجديه وبدون مهزله بيمشي فيها اما اللي بيدخلها وناسه من اللحين اقول لكم لاااحد يدخلها والله مااقول الكلام ذا اللى اني ابي لكم الخيررر ناس من خويانا فالدفعه السابعه كان باقي له كتاب واحد اللي هو الكتاب الاخير كتاب 26 ورسب فيه واطردوه بعد مدة قضى فيها سنه وثلاث شهور وفالخير اطردوه

انا افيدكم بمدة الدورة بعد ماتتخرج من الفرد الاساس تدخل جناح التعليم واللي هوو اللغه الانجليزيه نظامها:ـــــ
وبالنظام الجديد اللي طبق ع الدفعه الثامنه ومن بعدها دفعاات:ـ
تجتااز 27 كتاب او 28 كتاب باللغه.
اذا رسبت بخمس كتب متفرقه اطردوك
رسبت بثلاث كتب ورى بعض اطردوك
النجاح بالكتاب لازم 70 وفوق تحت 70 يعتبر راسب بالكتااب
مضطر انك تنجح بالكتب كلها يعني مافي(يمه ارحميني) ياتطلع مع الرجال وللى مع الباب.

بالعرربي اذا معاك لغه ادخل مامعاك لاتدخل ولاتعب نفسك والله العظيم لاتدعولي معاكم

ثاني شيء نظامك ياطالب المعهد داخل المعهد:-
تحضيرك الساعه 8 العشاء يوم الجمعه بعد الفرد الاساس طبعا
تصحى قبل الفجر بنص ساعه بعد صلاة الفجر على الميدان الكبير حصة صباحيه السبت واثنين سلاح والاحد والثلاثاء رياضه بعد ماتخلص من الميدان ع الميز فطور بعد الفطور ع السكن او جناح التعليم ع طول تخيل انت صاحي من 4 ونص الى 7 الصباح وانت بالميدان ومن الميدان يستقبلونك ع جناح التعليم على طول من بعد الكرف والتعب وتدخل الفصل وانت متعب وحالتك حاله ويجيك النوم من كثر شررح المدرس فوق راسك فوق 6 حصص دراسيه يوميه بعد ماتخلص من التعليم بعد صلاة الظهر ع الميز غداء وبعدها ياتصليبه بالشمس الى الاعصر مافي راحه وعلى حسسب المناوبين لان بعض المناوبين وسخين صراحتا ولايقدرون وضع الطالب.ويزعنا المناوب للمغررب
طيب متى نذاكر ومتى تحل الواجب ومتى ومتى ومتى...
والله انها معهد النفسيه

بس احب اعلمكم اللي يتخرج من المعهد ذا يعيش ملك صراحتا لان فيها حوافز ماهي في القطاعات الثانيه

ويبغالها صبر صبر طوووويل مثل عررض البحررر

والله دخلنا 150 على مااعتقد يالدفعه السابعه والان حنا حاليا 43 طالب من 150

لكن اي استفسار اي شيء انا تحت امركم راسلوني ع الخاص