اهلين اختي راجية
بداية مبروك التخرج
بالنسبة لدورات ارامكو وبترورابغ ماعندي فيها أي معلومة
وأما بالنسبة لدورة الـ cbp فاللي أعرفه انها دورة إدارية وماقدر أفيدك أكثر هل بتكون جيدة لك أو لا
لكن بالنسبة لإستفسارك عن دورات الحاسب وبالذات الشبكات فأن حاب إني اقدم لك خبرتي المتواضعة في هذا الموضوع..
أولا بالنسبة للشبكات فهي تنقسم إلى نوعين في شبكات الهاردوير واللي يكون عملها عبارة عن تشبيك الأجهزة وإعدادها والدورات في هذا المجال كثيرة.. على سبيل المثال إذا كانت خلفيتك عن الشبكات ضعيفة فبإمكانك البدء بأخذ دورة عن مبادئ الشبكات عندك دورة إسمها +N وهي شهادة تتبع لمنظمة Comptia وهي نفس المنظمة اللي تطرح شهادة الـ +A..
بعد كذا عندك شهادات السيسكو وهي كالآتي :-
Cisco CCNA وهي للمبتدئين و Cisco CCNP للمحترفين و CCIE للخبراء والأخيرة هذي قليل اللي يحملها.
هذي الشهادات في مجال الهاردوير للشبكات كما ذكرت لك.
في المجال الآخر اللي هو شبكات سوفتوير أو إدارة الشبكات أو برمجة الشبكات فيه شهادات المايكروسوفت
وهي كالآتي :-
Microsoft MCSA وهي شهادة إدارة انظمة شبكات و Microsoft MCSE وهي شهادة هندسة انظمة الشبكات..
أيضا في مجالات البرمجة الدورات كثيرة في شهادات المايكروسوفت أو الأوراكل وكلها بتفيدك
وفي مجال آخر ومهم وهو مجال آمن المعلومات وهذا المجال قليل اللي يتجهون له مع أنه مهم وفيه دورات في هذا المجال..
والمجال مفتوح أمامك بإمكانك تطوير نفسك بحيث تصبحين مؤهله ومتميزة في مجال الكمبيوتر سواء في مجال الشبكات أو البرمجة أو تشغيل أنظمة أو أمن معلومات وغيرها ربما أنتي تفهمينها أكثر مني بحكم مؤهلك الأكاديمي.
ابحثي في هذا الموضوع ووسعي خياراتك لاتكوني حاجرة نفسك على موضوع الوظيفة وبس
اتمنى لك التوفيق