اقتباس:
المشاركة الأصلية كتبت بواسطة عش حياتك
شباب رحت اليوم لوزاره التربية والتعليم بالرياض
وبالدور الاول عند موظف اسمه مساعد الطرير
وشيكوا ع اسمي وقالوا انتظر تجيك رسالة وبعدها تدخل رغباتك
وقلت لهم طيب انا حاسب تربوي وخبرة سبع سنوات
كيف مرتبة سادسه
قالوا
حاليا كماوجهت وزارة الخدمه انكم على المرتبة السادسه بمسمى وظيفي. مسجل معلومات
ونحن رفعنا طلب للخدمة المدنيه ان يكون الحاسب الالي تربوي مرتبة سابعه وليس سادسه
وبانتظار الخدمه المدنيه
اما الخبرة لن تحسب مهما كانت مرتبتك سادسه ام سابعه
بمعنى لن يتم احتساب كل ثلاث سنوات خبرة عمل تساوي مرتبة
... ايضا كلمت احد الزملاء بالخدمه المدنيه.وقال انهم الان يناقشون طلب وزارة التربيه بالتعديل الى السابعه
الله يوفق الجميع
|
المشكلة ياخوك بالمسمى الوظيفي الخايس ... لانهم مايبون يعطونك بدل حق الحاسب الآلي
ولايمديك تطالب بالمرتبة السابعة !!! ، الأمر الملكي كان واضح 13000 ألف وظيفة تعليمية بدون
تحديد هل هي إدارية ام تعليمية ... حسبي الله على كل من له يد في الأمر بخصوص عدم تعييننا
على المرتبة السابعة .
وطيب وش يضمن لي و لك انهم مايسحون عليك ويقولون لك انك رضيت بهذا الترشيح فما لك اي
شيء عندنا ، يعني دامك وافقت على هذا معناته انك راضي بالمرتبة اللي انت فيها ...
طيب والشخص اللي معه مؤهل غير تربوي وتم ترشيحه لهذه الوظيفة !!! ، اخواني لايضحكون
عليكم بكلمة تربوي ترى فيه ناس معنا خريجين جامعات وكليات تقنية ومؤهلاتهم غير تربوية !!!
اللهم اني اشكو اليك ضعفي وقلة حيلتي ... لابد تكون لنا كلمة للمطالبة بحقوقنا لانه ماضاع حق وراه
مطالب .. بس وين الشباب اللي يصمل !!!