أش اسباب التعب بالدورة وعدم القدرة على التحمل...؟

العادة..
أغلبنا متعود على الجلسة والمكيفات والنوم
_______________________________
الحل...
نوم من الساعه 10 بالكثير والأفضل 9 وتصحى على صلاة الفجر ولاتنام حتى الساعه 9-10 بالليل
وبكذا حتى يجي موعد الدورة

اش الفايدة...
جسم الإنسام يتعود على النوم على حسب مانعطيه ونتعود عليه احنا
مثلاً انا اعود جسمي اني انام متى ماأبغى واصحى متى ماأبغى
هنا ممكن 12 ساعه نوم تكفيك
اقل من كذا مايكفيك لأن جسمك تعود على نوم نص يوم

لو تعود جسمك على 4 ساعات نوم
حتتعب بأول شهر
بس بعد كذا بتكون متأقلم مع عدد ساعات النوم


(أول سبب نعاني فيه بالدورة عرفنا حله)

الرياضة...
اللي مايبغى يهرول
يلعب كورة حتى لو مع بزران الحاره
من العصر حتى المغرب كفاية

إذا كان جالس بالبيت
يحرك رجولة ويداته
فوق ويمين ويسار ياخذها بوناسه
إذا تقدر تستعمل دراجه
قضي مشاويرك فيها
مثلاً تبغى البوفية المطعم
تتمشى شوي في الحارة
يوم بالدراجه ويوم مشيء
لم يجيك انك مقبول للدورة
صدقوني من الحماس لو تبي تنزل السوق
ودك تنزله هروله



(المشكلة الثانية عرفنا حلها<قلة الحركة>)

قدرة التحمل

تعتمد على البشم "الظغط"
وتمارين البطن ::منطقة الصبر ومصدر القوة::

لو كل يوم اول ماتصحى من النوم
تسوي لك عشرة صدر وعشرة بطن
حتى موعد الدورة
انا اضمنلك اول مايعلنون انك مقبول بالدورة
تسوي 70 صدر و70 بطن وانت مرتاح


:::::::::::::::::::::::::::::::::::::::::::::::::: ::::::::::::::::::::::
أخيراً
أضمن للجميع تتخرجون وانتم ماتعانون من أي شيء
ولكن أهم شيء الـصلاة


وعسى الله يوفقكم