المشاركة الأصلية كتبت بواسطة أحساس مترف

^^

هههههه

إن شاء الله لي عوده على الموضوع

المشاركة الأصلية كتبت بواسطة جداً حزين

موضوع رايق على وقته شكرا شكرا شكرا

بالنسبه للاعضاء حرام عليك ياخي بالعكس طفولتهم بريئة وصراحة إكتشفت إني زنديق ضال مضل منذ الصغر

مره في سنة رابع أو خامس والله ياخوك ناسي بالضبط المهم إنه مو سادس لاني نقلت من المدرسة بالصف السادس

المهم على نص الترم الثاني جانا طالب منقول من الديره .. ديراوي بشكل مخيف بعدين الحين اللي بالديره فاهمين

وعارفين كل شيء ماتقدر تضحك عليهم .. بس ذيك الايام جد جد ديراوي مايعرف الا القرصان والسمن وإسمه ملهي ّ!

المهم على الاختبارات النهائية كنت انا ومجموعة من الزنادقه الصغار بعد الاختبار نروح نفطر سوا وتعرف مرت على كل واحد ايام الاختبارات اهم شيء الفطور

وذاك اليوم ينشب لنا ملهي الا يروح معنا ياولد فكنا نصرفه يمين يسار مافيه لزقه يعني لزقه

عاد انا ضبطت خطه حقيره بعقلي واخذته على جنب قلت بكره اروح انا وياك نفطر ونسحب على الباقين لان اخوياي فيهم طالب ابوه مدرس ولو درى ابوه عن الي بسويه بيجلدني جلد مو طبيعي

والله ومن البكره بعد الاختبار اروح انا وصديقي ملهي ونمر محل تميس ونشتري بريال تميس بسكوت ونمر البقاله ونشتري بطاطس وعصيرات .. واخذت بريال فازلين !!

وبسم الله تفضل ياملهي تميس وقشطة خخخخخ :/

انا قلت بعد أول لقمه بيصكني بعلبة الفازلين بين عيوني الا واشوف الرجال يضرب تميس وفازلين ومستانس ومعين من الله خير ههههههههههههههههههههههههههههههههههااااع

يااارب اغفر لي وسامحني شكله يدعي علي من ذاك اليوم لحد اليوم

جد إني قليل أدب وزنديق

اشكررك