اقتباس:
المشاركة الأصلية كتبت بواسطة محتار وتائه
نوبليس .. جزاك الله خير على التجاًوب ، طال عمرك عساها في ميزان حسناتك إن شاء الله ..
انا عندي كم استفسار - بسيط
*** انا سجلت في قاعدة الرياض الجوية ومطار الملك خالد الدولي/ الرياض حلو !! { جندي تخصص أمن وحمايه } والحمدلله قبلوني وموعدي يوم ألأحد 23 / 1 / 1433 هـ .. وعندي اسئله ،
س1 / وين اروح للموعد الي مواعديني فيه ؟
س2 / كم مده الدوره والراتب ؟
س3 / هل دوامها تعب ، ولا راحه ؟ { أقصد من ناحيه تعب - يعني يوم ورا يوم مافي يوم راحه فالاسبوع } ؟
س4 / لارحت لهم مع البيانات المطلوبه اجيبها معي فالموقع حقهم بعدها وش يطلبون مني إن الله كتب لي من المقبولين مع الاخوان إن شاء الله ؟ طبعا { أقصد التحليل والخخ }
يعني التحليل ، كيف طريقته ؟ يعطوني ورقه واروح مستشفى مخصص لهم بعدين احلل واجيبها لهم وهل المده قصيره في استرجاع الورقه "؟
يعني بالعربي واحد من العيال مبزوط وقبلووه .. ألحمدلله ، وخايف من التحليل
وين مكان الدوره ؟ ومتى تبدا إن كنت تعرررف ؟
وفالاخير وش معنى امن وحمايه ، كيف طريقه - الدوام ؟ وهل في ترقيات ،، ؟
أدري ، كثرت - اسئله .. لاتوااخذنـي : (
وشسمه .. طال عمرك ،، في انتظار ألأاجوبه إن كانت لديك .. الله لايهينك
بالتوفيق للجميع ..
|
اجاوبك في الجزئية اللي اعرفها
اما اجراءات القبول قد تختلف من قاعدة لقاعدة ومن سنة لسنة
سؤالك عن امن وحماية
اقولك هي ( الشرطة الجوية )
فاذا كنت بالقاعدة الجوية يكون مسمى وحدتك الشرطة الجوية
واذا كنت بالمطار يكون مسمى وحدتك امن المطار
اثنينهم شرطة لكن الادارتين مختلفة
الدوام مثل وسبق وقلت انه يختلف باختلاف الكتيبة او الفصيل او القسم اللي تعمل فيه
وعدد الافراد هو المتحكم في ساعات الاستلام والتسليم
الشرطة الجوية شغلهم حراسات واعمالها متنوعة
يعني بوابات وابراج ودوريات وتشريفات ورحلات داخلية وخارجية
وطواري ومرور وسواقين ومتفجرات ومكاتب
وخفارات على مواقع مختلفة منها داخل الوحدة ومنها خارجها وووووو
وكل سنتين يجي تشكيل داخل الوحدة
يعني مثلا كنت في سرية مسئولة عن البوابات
ينقلونك سرية مسئولة عن الدوريات
او مثلا كنت في التصاريح ينقلونك للمرور وهيك
شغلة مهمة وهي مهوب شرط ينقلونك كل سنتين
ممكن تقعد سنتين واربع في مكان واحد
لكن عموماً التشكيل داخل الوحدة كل سنتين
نجي للترقيات ..
اقولك الترقيات مااااااشية طالما معك ثانوية
اهم شي حافظ على ملفك من المحاضر والافادات
الشي الثاني تشد حيلك في اختبارات الترقية
حتى يكون مجموع نقاط الترقية اكثر من خوياك بالدفعة
واللي نقاطه اكثر هو اللي يستحق الترقية
اخيراً الراتب ..
راتب جندي امن وحماية اول مربوط 6290 ريال
والدورة في الطايف / الحوية
قاعدة الملك فهد الجوية
في مركز ومدرسة التدريب التأسيسي للقوات الجوية
مدة الدورة 5 شهور
ثلاثة شهور فرد اساسي وشهرين دورة تاهيل امني
والحين سمعنا انها زادت وصارت 6 شهور
ومجرد سماع من الناس عن نفسي ماعندي علم اكيد