بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اما بعد ... اقول الف مبروك للي طلع رقمه وخيرها في غيرها للي ما طلع رقمه بس انا على ما اتوقع ومن خبرتي في التقديمات القاعده ان دايم في ارقام ثانيه يعني خلو املكم بربكم كبير وكثرو من الدعاوت ومن الطاعات بعدين لا احد يضيع ((( رقم التسجيل ورقم جواله ترا يدقون عليكم بالفرز الثاني ))) للي ما طلع رقمه بالفرز الاول ... وانا ابي اسرد عليكم تجربتي في تقديماتي اللي فاتت يعني تستفيدو وتاخذو فكره عن التقديم خاصه للي اول مره يقدم انا قدمت كذا مره يعني في تقديمات طلع اسمي من اول فرز ومرات كان يطلع بالدفعه الثانيه ومرات يسحبون علي ... يمسح الدموعه المهم انا بقوزل ايش صار معي .... انا قدمت مثلكم السنه مو الي فاتت اللي قبل .. طلع اسمي بالفر ز الاولي المهم استانست وقمت اسوي اوراق الي طلبوها مني ورحت للموعد اللي حددوه لي بالمناسبه ( للي مثلا يفوت موعده يعني وصار عليه ضرف وما قدر يجي بالموعده ترا عادي يجي بالايام الثانيه يعني الامور تياسير ) بس الافضل يجي بالموعده ... المهم رحت لهم بثوب والشماغ ... الالي يشوفني كائني ودي اخطب مو رايح لتقديم يقول بدينى بالتبكيش المهم الوضع الفري تجيهم بدله بثوب عادي المهم بس احضر انت ولافضل تجي بالثوب ... المهم قامو لطعونا الشوي على البوابات لين ما دخلونا قامو يضفونا طوابير وقامو ينادون بالاسماء وكل الي يسمع اسمه يروح يمسك طابور ثاني تعقيد صح المهم هي الشغله طفش ونكد بس ايش الاسواه لقمه العيش المهم صفيت طابور لين ما دخلوني على المقياس ( اخذو طولي وزني ) عادي انا ما اقصر ايدي جامده على الاكل طلع وزني زايد المهم ما يكون فيه تدقيق واجد هنا يعني الوضع تياسير المهم بعد ما اخذو طولي على طول قال لي رح سو ( المقابله ) عاد هنا البلشه انا لمى قست الطول قال لي نزل شماغك .. وطلعت الفضايح شعري كان طويل وشافني الي يسوي المقابله عاد قام يمتحني ... ليش ما تقص شعرك وليش هو طويل وابوك ما يقول لك شيء المهم نشف ريقي ما صدق يمسك علي شيء المهم سئلني كم سؤال مثل ( اقرا سوره الكرسي ) وسئلني ما هي السوره التي ليس فيها (البسمله ) بعدين قال لي تحب (الخيل )... قال لي تكلم عنها .. بعدين قال لي ماذا يعني لك (البحر ) المهم نشف ريقي عاد سئلني قال لي ايش تحب من المواد قلت له احب الفيزياء ... اعنني مسوي ذكي ومثقف .. عاد صكني بسؤال قالي كم ( جاذبيه الارض ) ... المهم طلعت انا اعجبكم جاوبت له المهم ما ابي اطول عليكم الموضوع بالبدايه كتالي 1- تجي على الموعد ومعاك اوراقك كامله 2- ياخذون طولك وزنك 3- يسون لك المقابله بعدين الراتب فوق 6000 اول راتب لك وانت جندي منتف حافي مع العلم ان الي مقدم على الرصد راتبه اكثر من المقدم على امن وحمايه ب 500 ريال ... عاد هذا الي صار معاي قبل سنتين اذا الامور تغيرت ما ادري بس انا نقلت لكم تجربتي بالتقديم وربي يوفقكم