الهم ضيق خاطري ولا جدايل للغنا
حتى الغنا لك الله انه يزيد ضيقي والحزن...

والي تعنا واجتهد يبغا الجنا وين الجنا
خمس غروس بايدي اسقيتها بايدي ولكن ماثمرن...

مغير اناظرها عسا تثمر وتجلبي الهنا
تعبت عيوني وابطت غروسي وانا بشكي لمن ....

ياموطني يالموطن الي ماعرف مجدك فنا
خير لقى البلاد العالميه والمدن...

ياموطني انا هنا انا هنا انا هنا
شبحك لما بعد الحضن ينسك مابعد الحضن ,,,

ياموطني ظلم علي الوقت واتحرى السنا
ويروح من عمري زمن ويزيد في عمري زمن...

ابي ارضي الشيبان وارضي خاطري بشوف الظنا
لكن مابيد حيله اه ياشين الغبن ....

طقيت باب الرزق ولكن مافتح والله لنا
كنه يقول السير يافهمان لازم يندهن....

طقيت باب الرزق ولكن مافتح والله لنا
كنه يقول افلح وجب لك واسطه والى استكن...

قلت اشهد ان لي واسطه والواسطه يابوجنا
حب الوطن والروح في حب الوطن تدفع ثمن ,,,,

افديه واوقف درع قدام الهنادي والقنا
ولو تركني في المحن ماتركته ف المحن

فقير ماشفت الغنا ماني من عيال الغنا
لكن لا نادى الوطن اتسلف ريال الكفن...

اثور من دونه وانا سعودي وانا وطيب جنا
من هو يشكك في ولاءي في السريره والعلن...

ياموطني هذا عتاب حباب جعل الي شنا
يلقا البليه والمصيبه والموهنه والوهن...

خمس سنوات عشتها عاطل ولا هو بس انا
كم فيه من عاطل بوسط الوقت همش واندفن...

نلت الشهاده والفرح برقه سبق رعد العنا
هذي الشهاده ياوطن وين الوظيفه ياوطن....