اقتباس:
المشاركة الأصلية كتبت بواسطة ريماس بقلم ألماس
اخواني اعضاء المنتدى قرأت ردودكم جميعا
اللي يقول الله يرزقك واللي يقول الله يعجل بموته واللي يقول اشتكيه
واللي يقول ادخلي على امير واللي يقول يشتغل حمال واللي يقول تطلقي
واللي ماقصر بيساعدها
اخواني فيكم من لم يجرب الحرمان والحاجه بعد ان كان كريم النفس
ولا شعر بالذل عند طلب الغير
والله يجي على اوقات ما اكل اي شيء اليوم كاااامل
لأن ثلاجتي فاضيه وماعندي حتى علبة جبنه ولا رغيف خبز اكله حاف
اصبر نفسي واقول كله بأجره ..
ولما يجي زوجي من العمل ما اقوله اني جوعاانه عشان مايحس انه مقصر معايه
لأنه مسكين يقول من الفجر ويروح العمل ومايرجع غير 3 العصر كله على 2800 ريال
وفي النهااية كلها تروح في ايجار بيت وقرض للبنك ودين في الزواج و و و و و و و . ... . ... . ... .
حتى حفايظ وحليب لبنتي ما عاد اقدر اجيب
اللي تقول وقفي لا تجيب عيال الحرمه عندها ولد عمره 9 سنوات والثاني سنتين يعني ماجابت جيش
ولما توقف وهي عمرها 29 سنه متى تجيب عيال
لما يصير عمرها 40 ..؟!
اعزائي من ارد النصح فليقل خيرا او ليصمت
وش اللي تشتكي ابوها في محاكم مهما كان هذا ابوها
انصحك اختي اشتكي مالك الملك ولا تشتكي للعباد
صلي وادعي في السجود وابكي وايقني في داخلك ان الله هو القادر على كل شيء
والله ثم والله
اني اتكلم عن تجربه مريت فيها
واللي يده في المويه مو مثل اللي يده في النار
والنار ماتحرق غير رجل واطيها
مريت ومازلت امر في حاله ماديه مايعلم فيها غير الله عزوجل
ولكن ما يريحني نفسيا غير الدعاء والبكاء في الدعاء
وطلب الفرج من عند الله مع الايقان بأن الله هو من سيفرج همي
وانه قادر على كل شيء
الرازق في السماء يقول ادعوني استجب لكم
تذكري ان لك رب كبير رحيم
لا تستهوني بكلامي والله ما اتكلم غير عن تجربه شخصية
بس ما اقول غير الحمد لله على كل حاال
والله يرزقك ويرزقني ويرزق كل محتاج
نصيحه اخيره اتمنى توصليها لها ..
((الدعوه لأخيك المسلم في ظهر الغيب ))
ادعي لنفسك ولأي احد تعرفيه انه محتاج دعوة وبعدها ادعي للمسلمين عاامه بتفريج الهم
وصدقيني انشاء الله ربي يفرج همك بس اهم شيء توكلي على الله في كل اموروك
وسامحيني على الاطاله ..
 |
جزاك الله الف خيــــــــر عبرتي عن مافي داخلها كفيتي ووفيتي مشكوره والله يفرج همك ويرزقك يااارب رزق موب عند احد
ولا يهون الباقين جزاكم الله الف خير