تعلن المؤسسة السعودية للتعليم والتدريب
عن بدء تنفيذ برامجها التدريبيه المتنوعه للشباب والفتيات في عام 2007 في المجالات التاليه
دورات الشباب ***** دورات الفتيات
1- مهنيه وحرفيه ***** 1- مهنيه وحرفيه
2-حاسب آلي ***** 2- حاسب آلي
3-لغى انجليزيه ***** 3- لغة انجليزيه
4-تاسيس المشاريع والأعمال الحره ***** 4-تأسيس المشاريع والأعمال الحره
5-الحراسات الامنيه ***** 5- الحراسات الامنيه
6- الإدراة والتسويق والمحاسبة ***** 6-الإداره والتسويق والمحاسبة
يرجى من الراغبين والراغبات الاستفاده من هذه البرامج الاتصال على الارقام التاليه
القسم الرجالي ***** القسم النسائي
ت:4792071 ***** ت:2914939
ف:4791893 ***** ف:2921310
أنتهى ....
**
... تحطيمـ
رحت لـ المؤسسة السعوديه لتحطيم الشباب والفتيات
على اساس اقدم على احد الدورات المجانيه المكتوبه أعلاه
اول شي دقيت عليهم كلمتني وحده ذوق واخلاق وخذت اسمي وقالت خلاص تعالي بس سجلي بياناتك
سألتها فيه امكانيه ألحق على الدوره او انكم اكتفيتو قالت لا ما بعد اكتفينا تعالي عبي بياناتك
رحت لهم فرحاانه وكلي ثقه وادقعلى صديقاتي واللي اعرفهم يسجلون ويالتني ما رحت اقسم بالله تحطيم بمعنى الكلمه
مشوااااااااار وزحمه وقلة حياء .. سهرانه من امس ما نمت من خوفي لا انام وافوت التسجيل علي ..عطلت اخواني عن اشغالهم وفي الأخير ما استفيد شي 
اول حاجه العالم مكتفين !!!!!!!
ثاني شي تقول انه عندهم اسماء بنات من ثلاث شهور مسجلين وهم أولى بالإلتحاق بالدوره الآن
شلون من ثلاث شهور والإعلان ماله يومين 
هو تلاعب بعقولنا او ايش بالضبط ؟؟
ثالث شي دورة الإداره والتسويق بدأو فيها من فتره ما ادري متى
شكلها من اول ما نزل الأعلان قفلو التسجيل فيها والأسماء جاهزه عندهم من قبل ما يعلنون بعد.. يعني الدعوه فيها إن وأخواتها
والإعلان اللي بالجريده كله خيطي بيطي خرابيطي ..
نبله ونشرب مويته
الإنجليزي اكتفو وراح يبدأون بعد عشر ايام
دورة التجميل ودورة الأعمال اليدويه ما بدأت وبعد مكتفين
وتقول بعد انه فيه بنات مسجلين يعني ما اتوقع بيجينا الدور الحين
يعني انطر يا حمار لين يجيك الربيع
تبغون الصراحه
معكم واسطه روحو لهم
ما معكم اقضبو ارضكم
حسبي الله ونعم الوكيل بس
وش بيضرهم لو اخذو بياناتي بالتلفون واذا بدأت الدوره يكلموني اروح اعبيها بدل هالمرمطه والحوسه او ارسلها لهم بالفاكس وأنتهينا
ما يدرون ان الوحده منا تقعد تقط وجهها عند فلان وعلان من اقاربها علشان مثل هالمشاوير
مالي وجه اقول لأبوي عن ردهم والله ليحقد علي لإني عطلت اخوي عن مشوار مهم له ولاراح يصدقني بعدين لو بغيت اسجل ثاني 
واتحدى اي بنت في المنتدى سجلت بياناتها عندهم وكلموها وقالو مقبوله
المكتوب بين من عنوانه
انا قلت لهم عن اسم المنتدى وان شاء الله تدخل وحده منهم بس وتقرأ كلامي
مع اني اشك أنهم يعرفون وش معنى بطاله ..
دخلت بس افش خلقي وافرغ هالغضب والقهر اللي فيني في صفحات هذا المنتدى
واللي مو متحملني غيرها
سي يوو
رايحه اناااام واريح نفسي وملائكتي قبل ما ارتكب جريمه في اللي عندي
على فكره
ضيعت دفتر العائله حقي وحق صديقتي اللي سجلتها معي
وكله من القهر ورفعة الضغط
ولقيناها بعد حوسه وهواش طايحه في الشارع مدري اضحك ولا ابكي على حظي اللي مثل خشتي