يعني بالله الى متى يضحكوووو على الناس
يعني هم مايدرون ان احنا بشر من لحم ودم لنا احساس وشعور
يعني مايدرون قد ايش نتعب لما ننصدم بواقع مر كله واسطات
يعني هم مايدرون قد ايش نعاني ولا احد بيحس فينا
والله قهـــــــــــــــــــــــــــــــــــــــــــــر
لكن ما اقول غير حسبنا الله ونعم الوكيل

واقلك اختي وسعي بالك ولاتزعلي وربي ماراح تجني غير المرض والتعب
وان ربي مو كاتب لك انك تاخذي الدورة ولاتشيلي هم ربك موجود

يعني شوفيني انا قبل فترة قدمت على وظيفة حكومية واتصل عليا واحد من معارفي وقال خلاص الاسبوع الجاي راح نتصل عليك وجهز نفسك
وانا كنت طاير من الفرح بعد الايام والساعات وقلت خلاص هانت
لكن في الاخير صار شي ما اتوقعته
اللي صار ان واحد مايخاف الله وقف في طريقي ووظف واحد من طرفه
يعني انا زعلت في البداية واخذت فترة متحطم نفسيا
يعني تخيلي هذا الشخص وقف في مستقبلي وتخيلي قووووة الصدمة اللي صارت لي!!
لكن في الاخير رضيت بالواقع وقبل كل شي امنت بقدر ربي وان ربي مو كاتب لي الوظيفة ويمكن لي خيره في تركها
وانا حبيت اقولك قصتي علشان اخفف عليك لان زي ماقالوا من شاف مصيبة غيره هانت عليه مصيبته

وفي الاخير اقلك وسع خاطرك ولاتزعلي وروحي نامي
لان قاعدتي في الحياة ( اذا كثرت عليك همومك نام)
وراح تصحي فايقه باذن الله
والا مايجي يوم وتفرج

واسف على الاطاله لكن والله لاني حاس باللي حسيتي فيه

تحياتي